Tags-Sher

sher kahnā samajh ke ai shañkar
koī mil jaa.e nukta-chīñ na kahīñ

mahfil meñ sher hī nahīñ kuchh raushnī ba-dosh
anvār ham ne dil kī fazāoñ meñ rakh diye

kyā haqā.eq ne mire sher kā jaama pahnā
vāqiye sab mire ash.ār nazar aate haiñ

in ko sher karūñ, andar kī baat kahūñ
mausam raat ghaTā, sūraj ik taarā chāñd

sher meñ rañgīni-e-josh-e-taḳhayyul chāhiye
mujh ko 'asġhar' kam hai aadat naala o fariyād kī

ġham is qadar nahīñ the Dhale jitne sher meñ
daulat banā.ī ḳhuub matā-e-qalīl se

baat phūloñ kī sunā karte the
ham kabhī sher kahā karte the

ham to isī tarah se phireñge ḳharāb-hāl
ye sher tere dil meñ utar bhī ga.e to kyā

kabhī o sher-e-vasf-e-sā.id-e-yār
mire ḳhāme ke bhī sāñche se Dhal paḌ

sher kī duniyā se maiñ bāhar niklūñ bhī to kyuuñ niklūñ
nashsha jab utregā merā merī ḳhumārī baiThegī

aane vaale sher pe raa.e baarī baarī baiThegī
ab ki jo bhī nazm kahūñgā zehn pe saarī baiThegī

ik sher tujh pe is tarah likkhūñ ki jis tarah
momin kā sher ġhairat-e-nāhīd ke liye

'hafīz' is zamīñ meñ kaho sher kam
dikhāo na zor-e-tabī.at abas

kab se nabzoñ meñ vo jhankār nahīñ hai phir bhī
sher meñ zamzama-e-āb-e-ravāñ hai ab tak

fasl-e-sher aa.ī hai bāzār-e-suḳhan meñ dekh aao
farhat-ehsās bhī shāyad koī taaza mil jaa.e

isī libās isī pairahan meñ rahnā hai
use faqat mire sher-o-suḳhan meñ rahnā hai

rāh-e-talab meñ dām-o-diram chhoḌ jā.eñge
likh lo hamāre sher baḌe kaam ā.eñge

kisī jalse meñ jo 'īmān' kaho to jāneñ
ghar meñ yuuñ baiThe hue sher banā lījiyegā

varaq varaq pe sajā.ī hai ḳhuun kī tahrīr
ki sher sher nayā intiḳhāb le ke chale

aap ise husn-e-talab mat samjheñ nā kuchh aur shumār kareñ
sher ik 'mīr' faqīr kā ham jo aap ke gosh guzār kareñ