Tags-Sher

Thahar hī jā.eñge āḳhir kahīñ janāb-'ehsās'
par apne sher meñ yuuñ hī ravāñ mileñge tumheñ

do chaar nahīñ saiñkaḌoñ sher us pe kahe haiñ
is par bhī vo samjhe na to qadmoñ pe jhukeñ kyā

har ek sher meñ 'āzar' nuqūsh haiñ us ke
magar vo ḳhud ko kabhī be-naqāb bhī na kare

mere maulā mujhe kuchh bhī nahīñ aatā
baat karne kā hunar sher sunāne kā salīqa

dayār-e-sher meñ 'jāmī' qubūl kar na sakā
mirā mazāq rivāyat kī hukmarānī ko

jinheñ qirtās par lā.ūñ to ik hañgāma ho jaa.e
shab-e-tanhā.ī meñ aksar kuchh aise sher Dhalte haiñ

na kamāl-e-auj se tū girā kabhī fikr-e-sher meñ 'mus.hafī'
ġhazal aur bhī kahī tū ne gar vahī terī tez-parī rahī

us hasīñ shaḳhs kī ḳhātir jo kahā hai 'tābish'
kam hai is sher ko jitnā bhī sañvārā jaa.e

kamāl-e-sher rakhtā huuñ javāñ ḳhud ko samajhtā huuñ
hamesha se junūñ kā rāz-dāñ ḳhud ko samajhtā huuñ

baat maiñ ek be-misāl kahūñ
sher maiñ koī be-badal likkhūñ

vo sun lete haiñ yuuñ to sher mere rū-ba-rū phir bhī
zarūrī to nahīñ har dil pe sheroñ kā asar honā

bhā.ī'shādāb' suno sher-o-suḳhan kā daftar
sirf mahbūb ke gāloñ se nahīñ chaltā hai

nam hai mere sher se us chashm-e-sañg-ālūd meñ
ḳhvāb huuñ us chashm-e-tar meñ phailtā jaatā huuñ maiñ

mujhe ishq husn o hayāt se mujhe rabt fikr o nashāt se
mirā sher naġhma-e-zindagī tujhe nauhagar kī talāsh hai

jab tasavvur ne baḌhā dī nāla-e-mauzūñ kī lai
sāz-e-be-āvāz se ik sher paidā ho gayā

meñ sher paḌh ke bazm se kiyā uTh gayā 'amīr'
bulbul chahak ke sehn-e-chaman se nikal gayā

sahīfe fikr-o-nazar ke jo de ga.e tartīb
vahī to sher-o-suḳhan ke payambaroñ meñ rahe

sahal lagtā hai tujhe kyā safar-e-sher-o-suḳhan
umr-bhar dhuup meñ jhulse haiñ to saaya huā hai

chāñd sā misra akelā hai mire kāġhaz par
chhat pe aa jaao mirā sher mukammal kar do