Tags-Sher

tuul khīñchā bayān-e-nak-sik ne
maiñ likhā us ke baal baal kā sher

yuuñ talāshī jo chāhe likh jaave
lek mushkil hai bol-chāl kā sher

paḌh na ai ham-nashīñ visāl kā sher
jis se rañgīñ ho ḳhatt-o-ḳhāl kā sher

'mus.hafī' tere sher-e-dil-kash ko
ab to lagtā nahīñ kamāl kā sher

so ḳhayālī bhī aisā jis ke huzūr
gard hai mīrzā-'jalāl' kā sher

sher ik mashġhala thā 'qāsir' kā
ab yahī maqsad-e-hayāt banā

mirā shabāb tirā husn aur saya-e-abr
sharāb-o-sher muhayyā hai dekhiye kyā ho

mire saath sū-e-junūn chal mire zaḳhm khā mirā raqs kar
mire sher paḌh ke milegā kyā patā paḌh ke ghar koī pā sakā?

mizāj-e-sher ko har daur meñ rahā mahbūb
khanaktā lahja sulagtā huā nayā uslūb

likkhī hai khā ke ḳhūn-e-jigar ye ġhazal 'jalīl'
misre nahīñ haiñ sher ke TukḌe haiñ laal ke

hazāroñ sher mere so ga.e kāġhaz kī qabroñ meñ
ajab maañ huuñ koī bachcha mirā zinda nahīñ rahtā

aglī saa.at sher puurā kar pā.egī
yā ye misra mere jaisā rah jā.egā

yahī merā sher-o-naġhma yahī merī fikr-o-hikmat
jo surū-o-dard-mandī dil-e-be-qarār meñ hai

phūñk detā huuñ maiñ us par apnā koī sher-e-ḳhush
jab Darātā hai koī andoh-e-pinhānī mujhe

ye baat aur hai koshish hazār kī ham ne
hamāre sher tumhārī tarah hasīñ na bane

ba-rañg-e-sher gire aur baar baar gire
hamāre zehn pe kirnoñ ke ābshār gire

sher mere nahīñ haiñ ye 'hairat'
ḳhud samajh lo ye boltā hai kaun

unheñ sambhāl ke rakhnā havā na denā tum
hamāre sher ye chiñgāriyāñ banāte haiñ

bas apnī apnī tarjīhāt apnī apnī ḳhvāhish hai
tujhe shohrat kamāne kī mujhe ik sher kahne kī

'azīz' afkār-e-duniyā aur mashāġhil sher-goī ke
ahibbā kī mohabbat hai jo is qābil samajhte haiñ