Tags-Sher

khushbū-e-sher se mahzūz huā kar 'rāhat'
ġham ke bīmār ye nusḳha hai mujarrab merā

hai mire sher se ahvāl-e-zamāna zāhir
paḌh lo tum bhī ki ye shīsha hai mahaddab merā

kyuuñ na hove puḳhta o bar-jasta raushan dil kā sher
duud o sho.ale sā suḳhan ko hai zabāñ se iḳhtilāt

ai dil na chheḌ qissa ho dard jis se paidā
ye sher-ḳhvāniyāñ hai yā nauha-ḳhvāniyāñ haiñ

yaar kā jashn hai aur pyaar kā tohfa haiñ ye sher
ḳhud-ba-ḳhud ek duā ban ga.ī tahrīr ab ke

aish-o-ishrat se sadā kaam javānī meñ rahā
sher-o-naġhma se shab-o-roz sajā.e kyā kyā

ham bhī bāteñ banāyā karte haiñ
sher kahnā magar nahīñ aatā

gar tujhe banñā hai 'tishna' shā.era ik be-badal
tere har ik sher meñ ib.hām honā chāhiye

aaj bhī ilm-o-fan-o-sher-o-adab haiñ pāmāl
bā-kamāloñ ko milā kuchh na ihānat ke sivā

jo tarāshe fikr ne aa.ine tirā aks husn-e-nazar banā
jinheñ tujh se kuchh bhī lagāo thā vo ḳhayāl sher meñ Dhal ga.e

bhīge sher ugalte jīvan biit gayā
ThanDī aag meñ jalte jīvan biit gayā

tere lahje kā tirī baat kā ā.īna hai
merā har sher tirī zaat kā ā.īna hai

sher meñ 'iqbāl' kā shaidā hai 'ġhālib' kā asiir
'hāmid'-e-be-bahra-go munkir nahīñ hai miir kā

ḳhayāl o sher kī duniyā meñ jaan thī jin se
fazā-e-fikr-o-amal arġhavān thī jin se

sher kahte haiñ ġhazal ke ya.anī
ḳhvāb ko ḳhvāb-numā kahte haiñ

ajiib baat thī har sher pur-asar Thahrā
maiñ is kī bazm meñ kal raat bā-hunar Thahrā

lafz haiñ shāhid mirī tahrīr ke afsurda lab
sher meñ poshīda ma.anī kā jahāñ kaise khule

rahegī guuñj hamārī to ek muddat tak
hamāre sher kuchh aise nuqūsh chhoḌ ga.e

'rāz' ye ġhazal apnī ik hasīñ kā sadqa hai
sher bhī anokhe haiñ haiñ tarz bhī nirālī hai

sher tāsīr se ḳhālī huā vaqt-e-tābīr
nafs-e-mazmūn bhī taqrīr banāne meñ gayā