Tags-Sher

tāza-kārī kī mashq jaarī hai
sher meñ chuTkule to hoñge hī

chīḳh ke lahja bol rahā hai
sher 'shuhūd' āfāqī ke haiñ

vo husn hai insān kī merāj-e-tasavvur
jis husn ko puujā hai mire sher o adab ne

tafhīm āñ-janāb ye 'ġhālib' kā sher hai
kuchh an-kahī batā.iye bainassutūr kī

sher hotā nahīñ hai jab 'bābar'
us kā kuchh ehtimām kartā huuñ

paḌhe 'nādir' jo sher-e-tarz-e-jadīd
sun ke kyuuñ ḳhalq vāh-vā na kare

pyaar īsār vafā sher-o-hunar kī bāteñ
ab to lagtī haiñ kisī aur nagar kī bāteñ

'jur.at' ham is zamīn meñ kahte haiñ aur sher
har-chand jī suḳhan ke baḌhāne se uTh gayā

thā rū-e-zamīñ tañg zi-bas ham ne nikālī
rahne ke liye sher ke aalam meñ zamīñ aur

ye zaḳhm haiñ ki phuul haiñ ye zahr haiñ ki jaam haiñ
magar ye mere sher ab faqat tumhāre naam haiñ

vo bad-gumāñ huā jo kahīñ sher meñ mire
zikr-e-butān-e-ḳhalḳh-o-naushād aa gayā

use aziiz haiñ ġhazleñ mirī mire ash.ār
vo mere sher mujhī ko sunā bhī detā hai

matlab ke liye haiñ na ma.ānī ke liye haiñ
ye sher tabī.at kī ravānī ke liye haiñ

ga.ī sā.atoñ kī talāsh meñ mirā harf harf bikhar gayā
kahīñ tere naam kā sher bhī thā bayāz-e-jāñ pe likhā huā

dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ

sheriyat sher meñ ho kaise 'nazīr'
zehn jab tak ravāñ nahīñ hotā

ye tai huā hai ki sher o adab ke paimāne
hamāre shahr kā ik yak-fanā hī tai karegā

kahtā hai misl-e-saiqal-e-ā.īna sher ko
apne meñ koī rañg 'razā' gholne na de

bahut hī tez havā sher-e-hādsāt kī thī
maiñ girte girte na jaane sambhal gayā kaise

mausam ke sard-o-garm kā jal par asar na thā
vo sañg-dil bhī sher-e-suḳhnavar se kaT gayā