Tags-Shikwa

chehre par shikva kartī āñkheñ
āñkhoñ meñ aadhā ḳhālī sāġhar

hameñ shikva nahīñ ik dūsre se
manānā chāhiye is par ḳhushī kyā

na bulvāne kā ham ko shikva hai dekho
bañdhan-vār ab tak purāne bañdhe haiñ

haañ tirī baat ik nahīñ maanī
tere bahrūp se rahā shikva

shikoh-e-zāt se dushman kā lashkar kaañp jaatā hai
agar kirdār puḳhta ho sitamgar kaañp jaatā hai

koī shikva hī nahīñ aur kisī se mujh ko
ye mirī jaañ to 'sabā' ḳhud kī satā.ī huī hai

maiñ ne kī jāma-darī aur unheñ shikva hai
kar diyā chaak mire husn kā pardā tū ne

koī shikva na ġham na koī yaad
baiThe baiThe bas aañkh bhar aa.ī

vo kareñ bhī to kin alfāz meñ terā shikva
jin ko terī nigah-e-lutf ne barbād kiyā

ham se naam junūñ kā qaa.im ham se dasht kī ābādī
ham se dard kā shikva karte ham ko zaḳhm dikhāte ho

mujhe tum se koī shikva nahīñ hai
bahut din ho ga.e royā nahīñ thā

shikva bhī agar maiñ kartā huuñ to jaur-e-falak kā kartā huuñ
be-vaj.h 'qamar' tāroñ kī nazar kyuuñ mujh se badaltī jaatī hai

kyuuñ un se vaqt-e-qatl kiyā shikva ġhair kā
karnī thī maġhfirat hī kī apnī duā mujhe

shikva-hā-e-ġham-e-jahāñ se bacheñ
aa ki ham sa.ī-e-rā.igāñ se bacheñ

be-dād kā ab shikva bejā hai 'nasīm' un se
thā tum ko mohabbat kā iz.hār hī kyā karnā

koī shikva na shikāyat na vazāhat koī
mez se bas mirī tasvīr haTā dī us ne

aisā shikoh us kī sūrat meñ hai ki nāgah
aave jo sāmne se dast-e-majāl bāñdhe

ġhair to haiñ phir ġhair 'vafā' ġhairoñ kā shikva hī kiyā
bad-halī meñ apne bhī aañkh churāte jaate haiñ