Tags-Shikwa

shikva āshiq-kushī kā farz na thā
yaad ye kyā unheñ dilā baiThe

'goyā' ye nā-tavānī kā ehsān mujh pe hai
aane diyā na yaar kā shikva zabāñ talak

ajab kyā hai ki qāsid bhuul jaa.e us kā le jaanā
likhūñ jis naame meñ shikva tirī ġhaflat-shi.ārī kā

mujhe be-ḳhvāb rātoñ se koī shikva nahīñ phir bhī
añdherā Dastā hai aur chāñdnī se choT lagtī hai

vo dekho po phaTī añdhiyāre jādoñ ke shagāfoñ se
ham is ko marhamat kā naam dete haiñ har ik shikva

kahte haiñ bas utnī hī tirī tāb-e-yaqīñ thī
hai kufr se shikva mire īmāñ se gila hai

kaise dil-e-tanhā ne banā.e haiñ muḳhātab
dīvāroñ se shikva dar-e-zindāñ se gila hai

ham teġh-o-sipar chhīn liyā karte haiñ 'anjum'
zālim se kabhī zulm kā shikva nahīñ karte

shikva-sanjī apnī aadat meñ nahīñ dāḳhil magar
dil dukhā to lab pe harf-e-nāgavār aa hī gayā

shukr-e-sitam ne aur bhī māyūs kar diyā
is baat kā vo ġhair se shikva kiyā kiye

un ke zulm-o-sitam kā kyā shikva
husn kī shoḳhī-e-adā kahiye

ishq jab shikva sanj-e-husn huā
iltijā ho ga.ī gila na rahā

shikva koī dariyā kī ravānī se nahīñ hai
rishta hī mirī pyaas kā paanī se nahīñ hai

jaur kā shikva na karūñ zulm hai
raaz mirā sabr ne ifshā kiyā

majbūrī-e-mohabbat insāf chāhtī hai
shikva bhī hai tumhīñ se fariyād bhī tumhīñ se

na hogā tumheñ tishna-kāmī kā shikva
vo de kar ga.e ye payām allāh allāh

dil meñ jo dard hai raah kī gard hai jhaaḌ de jo use vo baḌā mard hai
dekh le zindagī garm hai sard hai chhoḌ shikva-gila tū use bhuul jā

mujh ko shikva hai mire bhaa.ī ki tum jaate hue
le ga.e saath mirī umr-e-guzishta kī kitāb

mujhe hāsidoñ se hai shikva magar
ḳhudā vāste kī adāvat nahīñ

shikva kiyā zamāne kā to us ne ye kahā
jis haal meñ ho zinda raho aur ḳhush raho