Tags-Shikwa

ḳhud apne aap se maiñ shikva-sanj aaj bhī huuñ
'nadīm' yuuñ to mujhe ik jahān maan gayā

shikva nahīñ kuchh mushtāq sadaf ko
kam se kam vo saath hai yaaro

kareñ jo shikva zabāñ kahāñ hai zabāñ meñ tāb-e-fuġhāñ kahāñ hai
kahāñ kā pardes kaisī ġhurbat vatan kī galiyoñ meñ luT ga.e ham

shikva kyā un se ḳhūn-e-nāhaq kā
zindagī thī huī basar na huī

rokā mujhe aġhyār ko jaane diyā ghar meñ
shikva sag-e-jānāñ se hai darbāñ se gila hai

shikva na raqīboñ se na jānāñ se gilā hai
mujh ko faqat apnī dil-e-nādāñ se gilā hai

vo hazār ham pe jafā sahī koī shikva phir bhī ravā nahīñ
ki jafā to un kī ḳhatā nahīñ jinheñ koī qadr-e-vafā nahīñ

nahīñ hai shikva agar vo nazar nahīñ aatā
kisū ne dekhī nahīñ apnī jaan kī sūrat

pī mire yaar tujhe apnī qasam detā huuñ
bhuul jā shikva gila haath milā jaam uThā

ishq meñ shikva kufr hai aur har iltijā harām
toḌ de kāsa-e-murād ishq gadāgarī nahīñ

vo bhī kaisā hai kasak dil kī samajhtā hī nahīñ
maiñ bhī kaisā huuñ na shikva na shikāyat kī hai

dil meñ rahne na duuñ tirā shikva
dil meñ aayā zabān se niklā

yaad ayyāme ki dil rakhte the jaañ rakhte the ham
shikva-sanjī ke liye muñh meñ zabāñ rakhte the ham

shikve meñ shukr shukr meñ shikva milā huā
ye aah merī raah meñ aur vaah aah meñ

hoñ ajab tarah kī shikāyateñ hoñ ajab tarah kī ināyateñ
tujhe mujh se shikve hazār hoñ mujhe tujh se koī gila na ho

us kī be-mehrī kā shikva nahīñ hogā mujh se
maiñ bhī rakhtā thā kabhī dil meñ irāda kyā kyā

shikva kartā hai be-niyāzī kā
tū ne 'momin' butoñ ko kyā jaanā

hamāre ġhuncha-e-dil ko tabassum kī na dī fursat
rahā ham ko ye shikva lutma-e-bād-e-ḳhizānī se

shikva bhī shikāyat bhī
sab pyaar kī maalā hai

mujh ko tirī jafā kā to shikva nahīñ magar
aatī hai yuuñ hī lab pe shikāyat kabhī kabhī