Tags-Shikwa

ab kisī dard kā shikva na kisī ġham kā gilā
merī hastī ne baḌī der meñ paayā hai mujhe

koī shikva ho sitamgār to zāhir kar de
phir na karnā tū kabhī koī gila mere baad

maiñ bhī to thā farefta ḳhud apne-āp par
shikva karūñ maiñ kyā dil-e-nargis-parast se

taġhāful kā shikva karūñ un se kyūñkar
vo kah deñge tū be-muravvat nahīñ hai

shikva ab kyā hai tujhe kahte na the ham ai dil
jin ke talvār se abrū haiñ vo jallād haiñ sab

ishq kā mansab nahīñ āvāza-e-lafz-o-bayāñ
āñkhoñ hī āñkhoñ meñ har ik shikva guzāre jā.iye

bik ga.e jab tere lab phir tujh ko kyā shikva agar
zindagānī baada o sāġhar se bahlā.ī ga.ī

shikva karūñ tumhārī jafā kā to rū-siyāh
dekho na tum mujhe nigah-e-uzr-ḳhvāh se

kyuuñ shikva ham kareñ adam-e-iltifāt kā
vo pūchhte to haiñ nigah-e-gāh-gāh se

karūñ shikva na kyuuñ charḳh-e-kuhan se
ki furqat Daalī tujh se gul-badan se

sadma har-chand tire jaur se jaañ par aayā
tis pe shikva na kabhī merī zabāñ par aayā

falak se mujh ko shikva hai zamīñ se mujh ko shikva hai
yaqīñ maano to ḳhud apne yaqīñ se mujh ko shikva hai

kareñ shikva na sāhab dahr kā bhī
zamāne meñ tumhīñ ho bevafā kyā

besh o kam kā shikva saaqī se 'mubārak' kufr thā
daur meñ sab ke ba-qadr-e-zarf paimāna rahā

tum ko shikva hai mire ahd-e-mohabbat se magar
tum ne paanī pe koī lafz kabhī likkhā hai

kahāñ huā hai tū shikva-guzār-e-mahrūmī
jahāñ hai saañs bhī lenā kamāl-e-be-adabī

kisī kī bālā-qadī ke shikoh kī zid meñ
ham apne qad se ziyāda buland hote ga.e

shikva jo merā ashk meñ Dhaltā chalā gayā
saarā ġhubār dil kā nikaltā chalā gayā