Tags-Shikwa

tū ne ye kyā ai sukūt-e-shikva-sāmāñ kar diyā
dil kī dil hī meñ rahī un ko pashemāñ kar diyā

zarā shikoh-e-do-ālam ke gumbadoñ meñ laraz
phir us ke ba.ad terā faisla jo tū chāhe

ye jo 'arsh' shikva-tarāz hai jise harza-goī pe naaz hai
ye vahī hai shā.ir-e-ḳhush-bayāñ tujhe yaad ho ki na yaad ho

shikva zabān se na kabhī āshnā huā
nazroñ se kah diyā jo mirā mudda.ā huā

shikva kis se kījiye ḳhāliq kī marzī hai yahī
nukta-chīñ paidā hoñ lākhoñ nukta-dāñ koī na ho

āshiqo husn-e-jafākār kā shikva hai gunāh
tum ḳhabardār ḳhabardār na aisā karnā

use zid ki 'vāmiq'-e-shikva-gar kisī raaz se na ho bā-ḳhabar
mujhe naaz hai ki ye dīda-var mirī umr bhar kī talāsh hai

mujhe shikva nahīñ barbād rakh barbād rahne de
magar allāh mere dil meñ apnī yaad rahne de

sar rakh ke tire paañv pe ham karte haiñ shikva
kuchh log ise sajda-e-shukrāna kaheñge

vo koī apne sivā ho to us kā shikva karūñ
judā.ī apnī hai aur intizār apnā hai

kahāñ shikva zamāne kā pas-e-dīvār karte haiñ
hameñ karnā hai jo bhī ham sar-e-bāzār karte haiñ

maazī ke aa.ine meñ 'atā' koī ḳhush-adā
shikva-kunāñ thā kahtā thā sāñval to maiñ bhī huuñ

shikva-sanj-e-ġham-e-manzil the faqat ham varna
kārvāñ kitne safar kar ga.e ḳhāmoshī se

āsmāñ kā shikva kyā vaqt kī shikāyat kyuuñ
ḳhūn-e-dil se nikhrā hai aur bhī hunar merā

ham hī zarre rusvā.ī se
kyā shikva harjā.ī se

tirī bevafā.ī kā shikva kareñ kyā
ḳhud apnī hī yaañ bevafā zindagī hai

koī shikva nahīñ ham ko kisī se
ḳhud apnī zaat ham ko chhal rahī hai

mujh se ho tere jaur kā shikva
ye bhalā ehtimāl rakhtā hai

ḳhat aane lage shikva-āmez un ke
milāp un se goyā huā chāhtā hai

bejā hai tirī garmī-e-bāzār kā shikva
kyuuñ jins na.ī pā ke ḳharīdār na TuuTe