Tags-Shikwa

sīkhiye uqda-kushā.ī kī adā.eñ 'jumbish'
na huā kuchh bhī ye taqdīr kā shikva karnā

mere laboñ pe dahr kā shikva jo thā fuzūl thā
chūñki darūn-e-dil mujhe dair se pyaar thā ajab

merī zabāñ pe shikva-e-dard-āfrīñ rahe
shāyad mire havās Thikāne nahīñ rahe

kiyā thā din kā va.ada raat ko aayā to kyā shikva
use bhūlā nahīñ kahte jo bhūlā ghar meñ shaam aayā

kyā zikr-e-be-ruḳhī ki ye sheva hai husn kā
shikva mujhe tirī nigah-e-avvalīñ se hai

tujh se himmat to paḌī ishq ko kuchh kahne kī
ḳhair shikva na sahī shukr kā iz.hār to hai

kyā karūñ nā-sāzī-e-tāle.a kā maiñ shikva ki aah
jis ko jī chāhe hai merā us kā jī miltā nahīñ

agar hai shauq-e-jamāl-e-jānāñ nahīñ hai kuchh pās-e-vaz.a-e-mauzūñ
shikoh-e-tamkīñ vidā.a kiije manāne us ishva-gar ko chaliye

iltijā hī iltijā baaqī hai shikva ho chuke
ab mohabbat tum se karte haiñ parastārāna ham

shikva karūñ to yaar kā pur-ḳhauf hai yahī
nāzuk mizāj hai vo ye sun kar ḳhafā na ho

zo.af meñ ta.ana-e-aġhyār kā shikva kyā hai
baat kuchh sar to nahīñ hai ki uThā bhī na sakūñ

dil de ke jaur-o-zulm kā shikva na kījiye
do din kī zindagī kisī Dhab se guzāriye

maiñ rahtā huuñ har shaam shikva-ba-lab
mire paas dīvān-e-'iqbāl' hai

jo shikva ab hai yahī ibtidā meñ thā 'amjad'
karīm thā mirī koshish meñ intihā rakhtā

tirī be-ruḳhī kā shikva tirī dostī kā da.avā
mujhe Dar hai ban na jaa.e mirī qaid kā bahāna

shikva nahīñ gila nahīñ āh-o-fuġhāñ nahīñ
apnā jo haal hai vo kisī par ayaañ nahīñ

dūsroñ se kab talak ham pyaas kā shikva kareñ
laao tesha ek dariyā dūsrā paidā kareñ

aaj us se maiñ ne shikva kiyā thā sharāratan
kis ko ḳhabar thī itnā burā maan jā.egā

ab saath nahīñ hai bhī to shikva nahīñ 'aḳhtar'
ehsān bhī mujh par mire bhaa.ī ke bahut the

ab koī use fariyād kahe yā koī use shikva samjhe
ham ko jo satāyā bandoñ ne to shukr ḳhudā kā ham ne kiyā