Tags-Shikwa

har koī pareshāñ hai āsmāñ se nālāñ hai
har kisī ko shikva hai us kī kaj-adā.ī kā

bejā hai tirī jafā kā shikva
maarā mujh ko mirī vafā ne

shikva na kar is daur-e-junūñ-zād kā koī
taqdīr-e-ḳhirad-soz ko ilzām diye jā

sunā hai maiñ ne ki tū ne merā kiyā hai shikva kisī se zālim
tire sitam aur mirī vafā ke jahāñ meñ haiñge gavāh lākhoñ

tere qaid-e-qafas kā kyā shikva
naale apne se apne se fariyād

agar un ke lab par gilā hai kisī kā
to bejā bhī shikva bajā hai kisī kā

shikva mujhe na ho jo mukāfāt had se ho
vaañ sulh ek dam hai laḌā.ī tamām shab

tujhe maiñ apnā nahīñ samajhtā isī liye to
zamāne tujh se maiñ koī shikva nahīñ karūñgā

shikva nahīñ hai arz hai mumkin agar ho aap se
diije mujh ko ġham zarūr dil jo mirā uThā sake

ham kisī baat kā shikva na kareñge 'kausar'
mohar hoñToñ pe ḳhamoshī kī lagā rakkhī hai

use ek betābī-e-shauq samjho
taġhāful kā shikva shikāyat nahīñ hai

sab ke is umr meñ ho jaate haiñ aise hī havās
tujh se kuchh shikva hameñ ai falak-e-pīr nahīñ

un kā vo mutrib-e-ḳhush-navā shikva-sanj-e-zamāñ
apne naġhmāt kī aag meñ jal gayā

kyā be-muravvatī kā shikva gila kisī se
ḳhud ham ne kab vafā kī apne sivā kisī se

ye silsila ġhamoñ kā na jaane kahāñ se hai
ahl-e-zamīñ ko shikva magar āsmāñ se hai

dil aaj tak hai lutf-e-farāvāñ se sharmsār
lab aaj tak haiñ aap kā shikva liye hue

sham-e-marqad tujh se shikva hai mujhe
mere ghar meñ bhī añdherī raat thī

vo husn hai use zebā tamām rāz-o-niyāz
maiñ ishq huuñ mujhe shikva gila qubūl nahīñ

murād-e-shikva nahīñ lutf-e-guftugū ke sivā
bachā hai pairahan jaañ meñ kyā rafū ke sivā

koī gunjā.ish-e-faryād-o-shikva tak nahīñ baaqī
ḳhatā-e-be-gunāhī par sazā kī baat hotī hai