Tags-Shikwa

jab mulāqāt huī un se to yuuñ hañs ke mile
koī shikva na shikāyat na gilā ho jaise

tañg paimā.ī kā shikva sāqī-e-azalī se kiyā
ham ne samjhā hī nahīñ dastūr-e-mai-ḳhāna abhī

nahīñ shikva añdheroñ se shikāyat hai ujāloñ se
sadā zaḳhmoñ pe chamke haiñ bahut hī bad-gumānī meñ

jo baat kahnī huī ham ne barmalā kah dī
'suhail' shikva kisī se na ġhā.ebāna rahā

bolā cigarette ki bashar shikva-kunāñ haiñ tere
dar-o-dīvār pe paīkoñ ke nishāñ haiñ tere

shikva o tanz se bhī kaam nikal jaate haiñ
ġhairat-e-ishq ko lekin ye gavārā bhī to ho

husn-e-kāfir se kisī kī na ga.ī pesh 'firāq'
shikva yāroñ kā na shukrāna-e-aġhyār chalā

shikva ayyārī kā yāroñ se bajā hai ai 'zafar'
is zamāne meñ yahī hai rasm-e-yārī rah ga.ī

nahīñ hai shikva koī dushmanoñ se ai 'barqī'
fareb dost se khāyā to aañkh bhar aa.ī

bastī ke gharoñ ko kyā dekhe buniyād kī hurmat kyā jaane
sailāb kā shikva kaun kare sailāb to andhā paanī hai

der kyā hai aa mire dil meñ samā jā barq-e-nāz
shikva-sanjī fitrat-e-ehsān meñ dāḳhil nahīñ

mirī jānib se un ke dil meñ kis shikve pe kiina hai
vo shikva jo zabāñ par kyā abhī dil meñ nahīñ aayā

vo jin ko shikva thā auroñ se zulm sahne kā
ḳhud un kā apnā bhī andāz jārehāna thā

vafā-shi.ārī hai jāñ-nisārī hai uzr-e-shikva na arz-e-matlab
hamīñ haiñ ik be-nazīr tālib harīf jo hai vo yak-fanī hai

pahle ye shukr ki ham hadd-e-adab se na baḌhe
ab ye shikva ki sharāfat ne kahīñ kā na rakhā

dastūr hai guzārish-e-ahvāl-e-vāqa.ī
qānūn ye nahīñ hai ki shikva na chāhiye

nahīñ zamāne se koī shikva hameñ gila hai to sirf ye hai
tirī nazar meñ bhī ham ba-rañg-e-shikāyat-e-be-mahal rahe haiñ

shikva hai dīn-e-vafā meñ ehdās
mujh se kaahe ko ye bid.at hogī

shikva jo be-naukrī kā karte haiñ nādān haiñ
aap aaqā hai kisī kā jo koī naukar nahīñ

ham faqīroñ kā tavakkul hī to sarmāya hai
shikva kis muñh se kareñ be-sar-o-sāmānī kā