Tags-Subah

hai yaqīñ chaal sitāroñ kī badal jā.egī
ek din sub.h kā aḳhbār use dekh ke dekh

hoñ vo dīvāna ki ik shab bhī jo maiñ ghar meñ rahūñ
raat ko sub.h karūñ kar dar-o-dīvār se bahs

raat kartā thā vo ik murġh-e-giraftār se bahs
maiñ bhī tā-sub.h rakhī bulbul-e-gulzār se bahs

raat ke ba.ad vo sub.h kahāñ hai din ke ba.ad vo shaam kahāñ
jo āshufta-sarī hai muqaddar us meñ qaid-e-maqām kahāñ

havā-e-sub.h-e-mashriq jaag uThī hai
chaman meñ ātish-e-gul tez-tar hai

kaale kamroñ meñ kaTī saarī javānī us kī
jis ne ai sub.h-e-mohabbat tirā rastā dekhā

raat aa.e to so jā.ūñ añdheroñ se lipaT kar
maiñ sub.h se Dartā huuñ ki sūraj kā Dasā huuñ

kyā shai hai khīñch letī hai shab ko sar-e-falak
phir sub.h joḌtī hai dobāra zamīn se

ham pe to barse sub.h tak ḳhanjar o teġh o tiir hī
abr-e-balā se kam nahīñ hijr kī rāteñ kāliyāñ

sub.h aane kā us ke vaada hai
mujh ko par raat bhar kī aas kahāñ

misāl-e-sub.h shabnam-rez jo sūraj kā burqa hai
chhiḌaktā jab vo mere dāġh-e-dil par shuur ro detā

añdherī sub.h vīrāñ raat yā shām-e-fasurda
mirā har lamha un meñ se kisī par mushtamil hai

qalam kī raushnā.ī jaane kyā ilzām de mujh ko
maiñ apnī sub.h ke aurāq par jab shaam likkhūñgā

rāt-bhar niiñd ke sahrā meñ bhaTaktā huuñ magar
sub.h tak ḳhvāb kī takmīl nahīñ ho paatī

fan kī duniyā meñ na.ī sub.h kā sūraj bo kar
aao ham apnā gulistān badal kar dekheñ

shab-e-firāq vo halkī sī ik shuā-e-umīd
vo sub.h tak mire jiine kā aasrā honā

maiñ ek yaḳh-zada māthe ko chuum kar dam-e-sub.h
tirī zamīnoñ se guzrūñgā ai jahān-e-ḳharāb

hosh aa.egā to bikhre paḌe hoñge ghuñgrū
sub.h phir chaak libāsoñ kā tamāshā hogā

kare kaun us se barābarī mah-o-zohra sab ko thī ham-sarī
dam-e-sub.h dekh sitamgarī ruḳh-e-mahr zarra-misāl thā