Tags-Subah

kyuuñ sub.h-e-shab-e-aish kā jhoñkā
ban kar

tulū-e-sub.h ne chamkā diye haiñ abr ke chaak
'nadīm' ye mirā dāmān-e-mudda.ā hī na ho

sub.h ke ThanDe farsh pe gūñjā us kā ek suḳhan
kirnoñ kā guldasta dekho aur mujhe dekho

gard-e-ġhurbat se bharī hai mere maskan kī bahār
dāman-e-sub.h-e-vatan meñ gul hai gul meñ ḳhaak hai

kyā jāniye ki hashr ho kyā sub.h-e-hashr kā
bedār tere dekhne vaale hue to haiñ

sub.h ko jhoñke niiñd ke kaise
kahīñ jaagā huā hai tū shab kā

ye sub.h-o-shām kī yūrish ye mausamoñ kī ravish
ki jaise mere ta.āqub meñ aa rahā hai koī

maiñ dhānī shaam kā ruup bhī maiñ sub.h kī komal dhuup
mujhe dekh ke koyal gaa.e to har paat bajā.e saaz

dard-e-dil ro.eñ kis ummīd pe begāne se
sub.h hone kī nahīñ yaas is afsāne se

pahle sargoshiyāñ thiiñ chhā gayā ab sannāTā
bazm meñ sub.h huī 'yās' ke afsāne se

fareb-e-sub.h-e-bahārāñ bhī hai qubūl hameñ
koī naqīb to aayā payām-e-fardā kā

charāġh-e-sub.h ye kahtā hai āftāb ko dekh
ye bazm tum ko mubārak ho ham to chalte haiñ

aksar aḳhbār meñ
sub.h savere lafzoñ ke andar

ġham meñ rotā huuñ tire sub.h kahīñ shaam kahīñ
chāhne vaale ko hotā bhī hai ārām kahīñ

hai ḳhudā hī 'qalaq' jo aaj bujhe
sub.h hote nahīñ ki shaam nahīñ

sub.h-e-bahār aa.ī thī le kar rut bhī na.ī shāḳheñ bhī na.ī
ġhuncha-o-gul se pyaar hai lekin shāḳh se nafrat aaj bhī hai

sub.h hone ko hai
koī dam meñ ye zaḳhmoñ bharī raat kī garm chādar

sabā ye un se hamārā payām kah denā
ga.e ho jab se yahāñ sub.h-o-shām hī na huī

tundī-e-sail-e-vaqt meñ ye bhī hai koī zindagī
sub.h huī to jī uThe, raat huī to mar ga.e

ik qayāmat kā samāñ thā tirā ai sub.h-e-vatan
parda-e-shām-e-ġharībāñ kā numāyāñ honā