Tags-Subah

sub.h-savere
vo bistar se saa.e jaisī uThtī hai

dhuup ab aa ga.ī muñDeroñ par
sub.h kā shor mere kaan meñ hai

hote hī sub.h aah gayā māh-e-chār-dah
sābit huā mujhe ki namak hai adū-e-shīr

māmūlī hai ki sub.h jalātā huuñ ḳhud ko maiñ
hotā ye hai ki roz sar-e-shām mar gayā

sub.h-o-shām-e-ġham ne dāman bhar ke bhejā dahr se
varna is umr-e-do-roza kā koī hāsil na thā

'anvar' is shab kī dekh lo tāḳhīr
sub.h hotī nazar nahīñ aatī

ḳhabar kise sub.h-o-shām kī hai ta.a.īnāt aur quyūd kaise
namāz kis kī vahāñ kisī ko ḳhayāl tak bhī nahīñ vuzū kā

os dāman pe hai āñkhoñ meñ namī kī jhalkī
sub.h hone pe bhī āsūdgī-e-shām nahīñ

khilā gulāb to manzar badal gayā saarā
jamāl-e-sub.h bhī hairat bhī ābgīna bhī

sub.h kī havā un se sirf itnā kah denā
koī sham.a kī ab tak lau baḌhā.e baiThā hai

jise tū ne samjhā hai zindagī usī inqalāb kā naam hai
kabhī din huā kabhī shab huī kabhī sub.h hai kabhī shaam hai

raat qaabū meñ rahe shahr ke hālāt magar
laash ik lipTī huī sub.h ke aḳhbār meñ hai

shab kī bahār sub.h kī nudrat na pūchhiye
kitnā hasīñ hai ḳhvāb-e-mohabbat na pūchhiye

har sub.h na.e karb ke chehroñ se mulāqāt
har shaam bichhaḌne kā sabab pūchh rahā huuñ

yuuñ to har raat chamakte haiñ sitāre lekin
vasl kī raat bahut sub.h kā taarā chamkā

har ek raat kahīñ duur bhaag jaatā huuñ
har ek sub.h koī mujh ko khīñch laatā hai

roz sub.h uTh jaayā karte haiñ mujh meñ kirdār ka.ī
par bistar se ḳhud ko tanhā uThte dekh rahī huuñ maiñ

ki us kā shukr kareñ shab se mā-ba-roz adā
itā.at us kī bajā lāveñ sub.h se tā-shām

shāyad qarīb pahuñchī sub.h-e-visāl hamdam
mauj-e-sabā liye hai ḳhush-bū-e-ḳhush-kinārāñ