Tags-Subah

ham ko tulū-e-sub.h-e-bahārāñ kī thī talāsh
is jurm kī sazā hai ye zanjīr-e-pā hameñ

tohmat kā sail sub.h ko uThne lagā ki shab
dastak thī ek dar pe sadā dar-ba-dar ga.ī

maiñ ise bhī udaas kar dūñgā
sub.h aa.ī hai khilkhilātī huī

ai zāhid-e-do-rañg na piir aap ko banā
mānind-e-sub.h-e-kāzib abhī hai adheḌ tū

laakh hoñToñ pe dam hamārā ho
aur dil sub.h kā sitārā ho

kyuuñ yahāñ sub.h-e-nau kī baat chale
kyuuñ sitam kī siyāh raat Dhale

hamesha sāmne aa.e misāl-e-sub.h-e-raḳhshanda
kabhī maddham ujāloñ kā samāñ ham ne nahīñ rakkhā

ham ne ye tahzīb parindoñ se sīkhī hai
sub.h ko ghar se jaanā shaam ko ghar aa jaanā

sub.h tak raat kī zanjīr pighal jā.egī
log pāgal haiñ sitāroñ se ulajhnā kaisā

yaar mile yā na mile sub.h-o-shām
kūcha-e-jānāñ meñ guzar chāhiye

aur nikhrā sub.h-e-kāzib kā suhāg
ḳhatm jab tāroñ kā īñdhan ho gayā

silsila band ho yāroñ kī mulāqātoñ kā
sub.h rañgīñ na rahe shaam suhānī na rahe

nik.hat-e-zulf-e-pareshāñ dāstān-e-shām-e-ġham
sub.h hone tak isī andāz kī bāteñ karo

sub.h sub.h achchhā lagtā hai
ghar se nikal kar sair ko jaanā

phuul to sahm ga.e dast-e-karam se dam-e-sub.h
gungunātī huī āvāra sabā kyuuñ chup hai

kaise sub.h ko shaam karūñgā kaise kaTeñge umr ke din
soch rahā huuñ ab jo yahī be-chārgī-e-hālāt rahī

apne jiine ko kyā pūchho sub.h bhī goyā raat rahī
tum bhī rūThe jag bhī rūThā ye bhī vaqt kī baat rahī

kah kar tamām raat ġhazal sub.h ke qarīb
'āzād' misl-e-sham-e-sahar huuñ bujhā huā

jo mirī riyāzat-e-nīm-shab ko 'salīm' sub.h na mil sakī
to phir is ke ma.anī to ye hue ki yahāñ ḳhudā koī aur hai