Tags-Subah

sub.h-saverā daftar biivī bachche mahfil nīndeñ raat
yaar kisī ko mushkil bhī hotī hai is āsānī par

din ko sahrā meñ bagūloñ kā safar bhī dekho
sub.h-dam baaġh meñ ye raqs-e-sabā ḳhuub sahī

in añdherī rātoñ ke ḳhaufnāk sāyoñ se bach ke sub.h tak jī leñ
zahr dhuup kā chakh kar maut ko ziyā baḳhsheñ aao phir ġhazal kah leñ

zulf-o-ruḳh kī bāteñ thiiñ din thā aur rāteñ thiiñ
sub.h kitnī rañgīñ thī shaam kyā suhānī thī

sub.h tak sham.a sar ko dhuntī rahī
kyā patiñge ne iltimās kiyā

jaag uTThā thā sub.h maut kī niiñd se
raat aa.ī to martā huā maiñ hī thā

sub.h tak shaam se vo go ki rahe paas mire
hasrateñ dil kī magar rah hī ga.iiñ thoḌī sī

shāyad thā bayāz-e-shab meñ kahīñ iksīr kā nusḳha bhī koī
ai sub.h ye terī jholī hai yā duniyā bhar kā sonā hai

raat aa.ī to taḌapte haiñ charāġhoñ ke liye
sub.h hote hī jinheñ log bujhā dete haiñ

balā-e-ishq se bismil na rakh umīd-e-najāt
duā-e-sub.h na kar shām-e-be-sahar ke liye

raat hī gar chup-chāp mile
sub.h bhī phir chanchal kyā ho

sub.h jaisī āñkhoñ meñ
āsmān sote haiñ

har sub.h tirī nazar kā partav
har shaam tirī bhavoñ ke saa.e

sub.h bhī resha resha hai shaam bhī hai rafū-talab
sīna-e-mahtāb bhī varna hai dil-e-dāġh sā

sub.h se shaam ke āsār nazar aane lage
phir sahāre mujhe be-kār nazar aane lage

ek jāgah pe nahīñ hai mujhe ārām kahīñ
hai ajab haal mirā sub.h kahīñ shaam kahīñ

zaḳhm hī zaḳhm huuñ maiñ sub.h kī mānind 'firāq'
raat bhar hijr kī lazzat se mazā luuTā hai

un ke aane ke tasavvur meñ yahī kahtā huuñ
ai shab-e-va.ada na ho sub.h vo karte haiñ banāv

paas tū sotā hai chanchal par gale lagtā nahīñ
minnateñ karte hī saarī raat ho jaatī hai sub.h