Tags-Subah

sub.h ruḳhsat kare makāñ merā
shaam ko ḳhud hī DhūñDhtā hai mujhe

aaj jab aañkh khulī hai to fazā hai ḳhāmosh
sub.h-dam kaun sū-e-dār gayā zindāñ meñ

tujh zulf kī shikan hai mānind-e-dām goyā
yā sub.h par hamārī aa.ī hai shaam goyā

aalam jahāñ ba-arz-e-bisāt-e-vajūd thā
juuñ sub.h chāk-e-jeb mujhe tār-o-pūd thā

usī galī se aa.ī hai shamīm-e-zulf laa.ī hai
nasīm-e-sub.h aa.ī hai tasalliyāñ liye hue

chaudhvīñ ke chāñd meñ us kā sarāpā
sub.h-dam Dhalte hue dekhā gayā hai

siyah bistar paḌe haiñ sub.h-e-nazzāra utar aa.e
ki shab ko ziina ziina koī mah-pāra utar aa.e

dam-e-sub.h bazm-e-ḳhush jahāñ shab-e-ġham se kam na thī mehrbāñ
ki charāġh thā so tū duud thā jo patañg thā so ġhubār thā

bayāz-e-gardan-e-jānāñ ko sub.h kahte jo ham
sitāra-e-saharī takma-e-gulū karte

raat bhar laḌtā rahā lahroñ ke saath
sub.h tak 'kānhā' nadī kā ho gayā

har shaam sisaktī huī fariyād kī vaadī
har sub.h sulagtā huā sahrā hai sadā kā

lo sub.h-e-inqalāb kā bhī aasrā gayā
ab kārobār-e-zīst tirā kyā ḳhayāl hai

maiñ ne āñkhoñ meñ chhupā rakkhe haiñ kuchh aur charāġh
raushnī sub.h kī shāyad na yahāñ tak pahuñche

apnā ghar chhoḌ ke ham log vahāñ tak pahuñche
sub.h-e-fardā kī kiran bhī na jahāñ tak pahuñche

niiñd meñ mahvashān-e-shahr bosa-e-āshiqāñ kī ḳhair
shab-ba-havā-e-narm-sair sub.h huī sile ga.e

mar jaate kyuuñ na sub.h ke hote hī hijr meñ
taklīf kaisī kaisī uThā.ī tamām shab

sub.h ke sho.ale ke saath ḳhud ko lagānī hai aag
shaam ke paanī ke saath ḳhud ko bujhānā bhī hai

kiyā thā raat tasavvur meñ jis ne qasd-e-farār
vo sub.h pā-ba-girafta sahar kī qaid meñ thā

jis ghaḌī rāh-e-pur-ḳhār maiñ ne chunī saath us ne bhī azm-e-safar kar liyā
sub.h sūraj nikalne se pahle chale, jis jagah ho ga.ī raat ghar kar liyā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ