Tags-Subah

ahd-e-javānī ro ro kaaTā piirī meñ liiñ āñkheñ muuñd
yaanī raat bahut the jaage sub.h huī ārām kiyā

ummīd-e-sub.h-e-nau har shām-e-ġham meñ
thakan saarī miTā detī hai ab bhī

pahuñch pahuñch kar falak par aaheñ kareñ na anjum meñ kyuuñ izāfa
ki shaam se sub.h tak shab-e-ġham sharar-fishānī hai aur ham haiñ

ab bhī suura ki baj rahā hai gajar
are bad-zāt sub.h hotī hai

bātoñ hī meñ guzar ga.ī shab-e-vasl
ab kahāñ raat sub.h hotī hai

kaT ga.ī raat sub.h hotī hai
sun mirī baat sub.h hotī hai

ab kahāñ hai shab-e-shabāb ai 'mehr'
jaago haihāt sub.h hotī hai

raat jab jā chukī to kahte ho
ab kahāñ ghaat sub.h hotī hai

in sā.atoñ ko sub.h kaheñ bhī to kis tarah
sūraj ugā huā thā añdherā chhaTā na thā

bas ek bosa-e-sub.h aur ek bosa-e-shām!
faqīr-e-bosa huuñ aur iltijā-e-bosa hai

usī ne har shab kī sub.h kī hai har ik diye kī vo raushnī hai
kabhī mujassam bhī ho ke kah de ki dekh terā hī ḳhvāb maiñ huuñ

Dūbte taare numūd-e-sub.h se sahme hue
malgajī dhundlāhaToñ meñ jhilmilā kar kho ga.e

baḳht-e-ḳhvābīda gayā zulmat-e-shab ke hamrāh
sub.h kā nuur liye daulat-e-bedār aayā

sub.h bālīñ pe ye kahtā huā ġham-ḳhvār aayā
uTh ki fariyād-ras-e-āshiq-e-bīmār aayā

ḳhayāl-e-māh-rū meñ tā-dam-e-sub.h
na aayā raat mujh ko ek dam ḳhvāb

bharā hai ne.amat-e-alvāñ se gul kā ḳhvān go 'hasrat'
kare har sub.h uTh kar ḳhūn-e-dil se nāshtā bulbul

nafrat huī do-rañgī-e-lail-o-nahār se
maiñ sub.h-o-shām us ko lab-e-bām le gayā

rañg-e-shikasta sub.h-e-bahār-e-nazāra hai
ye vaqt hai shaguftan-e-gul-hā-e-nāz kā

jugnū jale bujhe mirī palkoñ pe sub.h tak
jab bhī tirā ḳhayāl sar-e-shām aa gayā

shaam tak un kā nishāñ bhī na rahā
sub.h jo mahv-e-tag-o-tāz hue