Tags-Subah

sub.h tak Dhal ke koī harf-e-vafā aa.egā
ishq aa.egā ba-sad laġhzish-e-pā aa.egā

tū kisī sub.h sī āñgan meñ utar aatī hai
maiñ kisī dhuup sā dālān meñ aa jaatā huuñ

raat se ham nahīñ udaas raat udaas hī sahī
raat to sub.h ke liye vaqfa-e-intizār hai

sub.h terā dars paayā thā sanam
shauq-e-dil mohtāj hai takrār kā

dekhnā har sub.h tujh ruḳhsār kā
hai mutāla matla-e-anvār kā

chhā.ī haiñ mire sar pe siyah-posh ghaTā.eñ
maiñ sub.h meñ bhī shaam ke manzar kī tarah huuñ

mirī be-ḳhvāb āñkhoñ meñ Kyayāl-e-sub.h-e-fardā hai
dil-e-bedār kī ḳhāmoshiyāñ kuchh aur kahtī haiñ

ḳhayāl-e-sub.h kī ra.anā.iyāñ kuchh aur kahtī haiñ
añdherī raat kī tanhā.iyāñ kuchh aur kahtī haiñ

ga.ī rutoñ meñ 'hasan' hamārā bas ek hī to ye mashġhala thā
kisī ke chehre ko sub.h kahnā kisī kī zulfoñ ko shaam likhnā

haiñ sub.h ke hisāb meñ aḳhtar shumāriyāñ
chamkā na āftāb to kyā raat bhī ga.ī

kaukab-e-jām-o-subū farsh par Dhalke hoñge
shaam ham anjumanī sub.h bikharne ke liye

shaam ho to dostoñ ke saath mai-ḳhāne chaleñ
sub.h tak phir raat ke tāqoñ meñ be-masraf jaleñ

Dhal gayā sūraj to kuchh aisā lagā
sub.h-e-nau kā ik nazārā mil gayā

rafīq-e-sub.h thā sūraj se rishta-dārī thī
sipāh-e-shab meñ ye kis kā shumār hone lagā

ye sahbā-e-imroz jo sub.h kī shāhzādī kī mast añkhḌiyoñ se Tapak kar
ba-daur-e-hayāt aa ga.ī hai ye nannhī sī chiḌiyāñ jo chhat meñ chahakne lagī haiñ

chashm-e-bad-dūr aish-e-ahd-e-shabāb
sub.h ham-rañg-e-shām rakhte haiñ

sub.h raushan ne utārī haiñ sitārī āñkheñ
shāḳh-e-shamshād ne gulshan kā darīcha dekhā

vasl kī sub.h ke hone meñ hai kuchh der abhī
dāstāñ hijr kī kuchh aur baḌhā lī jaa.e

chiḌiyāñ kab ā.ankhoñ se bāteñ kartī haiñ
sub.h huī ghar kā sannāTā TuuT gayā

ab ḳhayāloñ meñ vo mere saath sub.h-o-shām hai
jab se vo bichhḌā hai saarī dūriyāñ jaatī rahīñ