Tags-Subah

ālam-e-pīrī meñ kyā mū-e-siyah kā e.atibār
sub.h-e-sādiq detī hai jhūTī gavāhī raat kī

nek guzre mirī shab sidq-e-badan se tere
ġham nahīñ rābta-e-sub.h jo kāzib Thahre

panāh mil na sakegī kisī ko ghar meñ bhī
tuyūr sub.h se pahle agar uḌaa.e ga.e

dar thā ummīd kā khulā 'hassān'
sub.h kā bhūlā shaam ghar aayā

vahī maiñ huuñ aur vahī zindagī vahī sub.h o shaam kī sar ḳhushī
vahī merā husn-e-ḳhayāl hai vahī un kī shān-e-jamāl hai

har sub.h to khilte nahīñ nargis ke hasīñ phuul
har roz to gulshan meñ payambar nahīñ aate

rāt-bhar dekhtā aayā huuñ charāġhoñ kā dhuāñ
sub.h-e-āshūr se ab aañkh milānā hai mujhe

baḌh rahā hai dam-ba-dam sub.h-e-haqīqat kā yaqīñ
har nafas par ye gumāñ hotā hai manzil aa ga.ī

juuñ halqa-e-dar dar pe tire sub.h se tā-sub.h
rahtā hai tirā tālib-e-dīdār hamesha

duniyā duniyā sair safar thī shauq kī raah tamām huī
is bastī meñ sub.h huī thī is bastī meñ shaam huī

sub.h chaman meñ us ko kahīñ taklīf-e-havā le aa.ī thī
ruḳh se gul ko mol liyā qāmat se sarv ġhulām kiyā

yaañ ke sapīd o siyah meñ ham ko daḳhl jo hai so itnā hai
raat ko ro ro sub.h kiyā yā din ko juuñ tuuñ shaam kiyā

ahd-e-javānī ro ro kaaTā piirī meñ liiñ āñkheñ muuñd
ya.anī raat bahut the jaage sub.h huī ārām kiyā

dasht-e-viġha meñ nūr-e-ḳhudā kā zuhūr hai
dasht-e-viġhā meñ nūr-e-ḳhudā kā zuhūr hai

sub.h savere nañge paañv ghaas pe chalnā aisā hai
jaise baap kā pahlā bosa qurbat jaise maaoñ kī

sub.h aatī hai dabe paañv chalī jaatī hai
gher letā hai mujhe shaam Dhale sannāTā

ye jo rahte haiñ bahut mauj meñ shab bhar ham log
sub.h hote hī kināre pe paḌe hote haiñ

dil tañg hai shab ko kafan-e-nūr pinhā ke
vo sub.h jo ġhunchoñ kī girah khol rahī hai

jis kī dīd-o-talab vahm samjhe the ham rū-ba-rū phir sar-e-rahguzār aa gayā
sub.h-e-fardā ko phir dil tarasne lagā umr-e-rafta tirā e'tibār aa gayā

tū mirī zindagī kī shaam na ban
maiñ tirī sub.h kā ujālā huuñ