Tags-Subah

darūd paḌhte hue us kī diid ko nikleñ
to sub.h phuul bichhā.e sabā hamāre liye

tā-sub.h jhilmilā.ī mire āñsūon meñ shab
bujhtā huā charāġh sitāroñ se bhar gayā

sub.h ke bhūle to aa.e shaam ko
dekhiye kab aa.eñ bhūle shaam ke

shām-e-ġham ke rone vaale sabr kar
sub.h bhī hogī tirī taqdīr se

sub.h hotī nahīñ mohabbat kī
raat kaTtī nahīñ javānī se

guzar ga.ī tirī furqat meñ zindagī jitnī
adn kī sub.h ki paris kī raat meñ guzrī

guftugū tujh se kareñgī merī ġhazleñ sub.h-o-shām
terī ḳhalvat meñ mirī tanhā.iyāñ rah jā.eñgī

zulf kī shaam sub.h chehre kī
yahī mausam janāb de diije

sub.h savere telephone par
bahnoī ne bharrā.ī āvāz sunā.ī dii:

āvāragardī karnā sub.h o shaam
dhīñgā-mushtī, dushnām

lāla-o-gul ko tabassum kī ziyā dī ham ne
jalva-e-sub.h kī mānind chaman se guzre

kaTī hai goyā shab-e-javānī bas aan pahuñchī hai sub.h-e-pīrī
bahut sī kī tū ne but-parastī ab ek do din ḳhudā ḳhudā kar

guzar chaman se misāl-e-nasīm-e-sub.h-e-bahār
guloñ ko chheḌ ke kāñToñ ko gudgudātā jā

kūcha-e-subh meñ jā pahuñche ham
sūrat-e-mauj-e-sabā pahuñche ham

tirī duniyā jahān-e-murġh-o-māhī
mirī duniyā fuġhān-e-sub.h-gāhī

diyā shu.ūr ujāloñ kā sub.h-e-mariyam ko
charāġh kis ne jalāyā shab-e-kalīsā meñ

raat hai jashn mirī ruuh kī āzādī kā
sub.h phir jism ke zindān meñ aa jaatā huuñ

sub.h se chalte chalte āḳhir shaam huī āvāra-e-dil
ab maiñ kis manzil meñ pahuñchā ab ghar kitnī duur rahā

talāsh us kī fazāoñ meñ kar nasīb apnā
jahān-e-tāza mirī āh-e-sub.h-gāh meñ hai

use mil ke aa.e to shaam ko mujhe aa.ine ne kahā suno
vo jo sub.h-dam thā hasan-'razā' vo tumhī ho yā koī aur hai