Tags-Subah

sabā ye un se hamārā payām kah denā
ga.e ho jab se yahāñ sub.h o shaam hī na huī

pattharoñ ke kaleje phaTne lage
sub.h-dam aah bhar rahā hai kaun

maiñ to us sub.h-e-daraḳhshāñ ko tavañgar jānūñ
jo mire shahr se kashkol-e-gadā.ī le le

tauba karo jo sub.h meñ TuuTe badan kī shāḳh
shab meñ bayān mai kī fazīlat kiyā karo

āmad-e-sub.h se māyūs nahīñ haiñ lekin
Das na le tīrgī-e-shām-e-ġharībāñ yaaro

ik na ik sham añdhere meñ jalā.e rakhiye
sub.h hone ko hai māhaul banā.e rakhiye

jo hogī sub.h to taqsīm ho jā.eñge phir ham
Dhalī hai shaam to ḳhud ko ikaTThā kar rahe haiñ

tire sulūk kā ġham sub.h-o-shām kyā karte
zarā sī baat pe jiinā harām kyā karte

hujūm se ek ik gunahgār ko bulātā aur us ke māthe pe kalma-e-sub.h likh rahā thā
tamām murde ḳhizāñ-zada uñgliyoñ ke chhūne se jāgte the

havā-e-sub.h-e-chaman aur ek baar agar
guzar ga.ī to hameñ pā.emāl hī samjho

ġhurūr-e-sub.h kyā mujh ko dikhātā
lahū kī shaam meñ maiñ dīdanī thā

hare pattoñ se shabnam kī judā.ī
yahī āġhāz-e-sub.h-e-tishnagī thā

raat hamsāyoñ kī na sub.h talak
merī afġhān-e-shab se aañkh lagī

shahr meñ us ke naam ke jitne shaḳhs the sab hī achchhe the
sub.h-e-safar to dhund bahut thī dhūpeñ ban kar niklī meñ

sub.h-e-tiflī hai buḌhāpā merā
shām-e-pīrī thī javānī merī

chashmak chalī ga.ī thī sitāroñ kī sub.h tak
kī āsmāñ ne dīda-darā.ī tamām shab

husn-o-ishq kī taqdīr ik tazād bāham hai
un kī shaam bhī mahfil apnī sub.h bhī tanhā

ye dil hai mirā yā kisī kuTiyā kā diyā hai
bujhtā hai dam-e-sub.h to jaltā hai sar-e-shām

sub.h gul-gasht ko jaate ho ki sharmā.e bahār
kyā ye matlab hai gulistāñ se nikal jaa.e bahār

aañsū falak kī aañkh se Tapke tamām raat
aur sub.h tak zamīn kā āñchal bhigo ga.e