Tags-Subah

ḳhadshe the shām-e-hijr ke sub.h-e-ḳhushī ke saath
tārīkiyāñ bhī paa.ī ga.iiñ raushnī ke saath

amīr-e-kārvāñ jis raushnī ke bal pe baḌhtā hai
nikaltā hai vo taarā sub.h hote ḳhāk-e-manzil se

ā.īne ke aks se gul sā badan mailā huā
sub.h ke partav se rañg-e-yāsman mailā huā

'vasīm' kitnī hī sub.heñ lahū lahū guzrīñ
ik aisī sub.h bhī aa.e ki jis kī shaam na ho

vaañ se ghar aa ke kahāñ sonā thā
sub.h tak yaad thī aur ronā thā

jab huī sub.h to bistar se phir uTh
girya-e-ḳhūnī se muñh dhonā thā

ḳhvāb meñ ik zaḳhm dekhā thā badan par jis jagah
sub.h dekhā to vahāñ ik daaġh sā maujūd hai

raat kaTtī hai maze meñ chain se hotī hai sub.h
chāñdnī maujūd hai bād-e-sabā maujūd hai

itne bhī na ham ḳharāb hote rahte
kaahe ko ġham-o-alam se rote rahte

chāñd tāroñ ne bhī jab raḳht-e-safar kholā hai
ham ne har sub.h ik ummīd pe dar kholā hai

sub.h-e-kāzib kī havā meñ dard thā kitnā 'munīr'
rail kī siiTī bajī to dil lahū se bhar gayā

merī hī parchhā.īñ dar o dīvār pa hai
sub.h huī nairañg tamāshā ḳhaak huā

juuyā hai bas ki āriz-o-gesū-e-yār kā
pāband shaiḳh sajda-e-sub.h-o-masā meñ hai

jaarī thā vo raqs-e-ham-kinārī
niklī na.ī sub.h kī savārī

dil divāna ho gayā hai dekh ye sub.h-e-bahār
rasmasā phūloñ basā aayā añkhoñ meñ niiñd hai

aaj yāroñ ko mubārak ho ki sub.h-e-īd hai
raag hai mai hai chaman hai dilrubā hai diid hai

charāġh-e-sub.h kī afsurdagī nahīñ tanhā
kahīñ qarīb yahīñ āftāb-e-shām bhī hai

jo sub.h-e-pīrī huī huvaidā sadā adam se huī ye paidā
namāz paḌh ke na ab Thahariye savere kasiye kamar ko chaliye

ajab fazā hai ki rañg-e-numūd-e-sub.h bhī hai
siyāh raat ne bhī pairahan utārā nahīñ