Tags-Subah

kyā mazammat hai mujhe sub.h-e-shab-e-hijr un se
jin se kahtā thā ki bachnā mirā mumkin hī nahīñ

kāvish-e-sub.h-o-shām baaqī hai
ek dard-e-mudām baaqī hai

bujhte hue is diip kā tum hausla dekho
jo sub.h talak tez havāoñ se laḌā hai

be-tābiyāñ sameT ke pūchhā kare hai dil
qismat meñ apnī sub.h kā taarā to hai abhī

nasīm-e-sub.h ke jhoñke haiñ ḳhush-gavār magar
kabhī kabhī ye diloñ ko dikhā to sakte haiñ

sub.h ke jaage masāfat se thake dariyā ne phir
shaam hote hī ta.alluq kam ravānī se kiyā

ye kis kī āñkhoñ se barsegā abr-e-sub.h-e-alam
shab-e-nashāt banā.egī ġham-gusār kise

dekh rahā huuñ band ḳhudā kī muTThī hone vaalī hai
sub.h ke motī par ab bhī hai dhīmī aañch sitāre kī

vāraftagi-e-sub.h-e-bashārat ko ḳhabar kyā
andesha-e-sad-shām-e-ġharībāñ bhī mirā hai

raat pahchān de ga.ī sab ko
sub.h chehre mile nishān-zada

dil-barāñ yūñhī na thī kufr-parastī dil kī
ftina-e-sub.h-e-qayāmat hai tirā qad ki nahīñ

vaqt-e-nuzūl-e-sher hai 'ḳhusrav'
sub.h ga.ī ab raat huī hai

nahīñ haiñ shabnam ke sub.h qatre ye barg-e-gul-hā-e-bostāñ par
ba-yād-e-ātish-ruḳhāñ phaphūle paḌe haiñ har phuul kī zabāñ par

sub.h-e-raushan ko añdheroñ se bharī shaam na de
dil ke rishte ko mirī jaan koī naam na de

vo kah rahā thā na jhāñkūñgā aaj sub.h is meñ
mujhe dikhā.e yahī ā.īna na jaane kyā

vo us kā raat bhar tāmīr karnā mujh ko mushkil se
magar phir sub.h se pahle mujhe mismār kar denā

ujaḌ ke dil basā nahīñ bichhaḌ ke vo milā nahīñ
azaab hai ki hijr sub.h-o-shām sochte rahe

ham sub.h-e-bahārāñ kī tamāzat se jale haiñ
ham se gul o shabnam kā na afsāna kahā jaa.e

shām-e-avadh ne zulf meñ gūñdhe nahīñ haiñ phuul
tere baġhair sub.h-e-banaras udaas hai

apne ḳhvāboñ pe hai sharminda shab-e-ġham-dīda
sub.h-e-ma.asūm usī shab kī kahānī māñge