Collections

Lab Shayari

Motivational Ghazals

Best Khamoshi Shayari

More Collections

Tags-Tamanna

bojh terī bevafā.ī kā uThā letā magar
ik tamannā tujh se baḌh kar dil ke andar aur hai

jo nazar aata nahin diwar mein dar aur hai

nashsha to tere qurb kā hai jān-e-tamannā
kyā lutf tire ba.ad sharāboñ meñ rahegā

KHushbu ki tarah dil ke gulabon mein rahega

tire dar par hujūm-e-āshiqāñ hai
tamannā bhī tamannā.ī khaḌī hai

falak chakkar mein kyun chaunsaTh ghaDi hai

ye maiñ tamannā tamannā pighal na jā.ūñ kahīñ
diye kī bujhtī huī lau se sharm khāte hue

purani naw ke taKHte pe dil banate hue

ik aatī hai manzil ki har husn vaalā
tamannā.iyoñ kī tamannā kare hai

sanware hai gesu to dekha kare hai

mujāvirān-e-tamannā to mar ga.e kab ke
darūn-e-jism ka.ī āstāne zinda haiñ

abhi hawas ke hazaron bahane zinda hain

ḳhūn-e-jigar se nikhre ḳhad-o-ḳhāl-e-ārzū
dil ke lahū se shāḳh-e-tamannā harī huī

nazren milin charagh jale raushni hui

yahī safar kī tamannā yahī thakan kī pukār
khaḌe hue haiñ bahut duur tak ghane ashjār

yahi safar ki tamanna yahi thakan ki pukar

aaj phir zaḳhm-e-tamannā se mahak uThtī hai
koī paiġhām liye aa.ī sabā āhista

sae hain gosh-bar-awaz zara aahista

isī mausam kī tamannā thī ka.ī barsoñ se
bādbāñ kholne the aur girā baiThā huuñ

shah-e-alam ko sar-e-am suna baiTha hun

terā ḳhayāl terī tamannā tak aa gayā
maiñ dil ko DhūñDhtā huā duniyā tak aa gayā

tera KHayal teri tamanna tak aa gaya

is tarah kar gayā dil ko mire vīrāñ koī
na tamannā koī baaqī hai na armāñ koī

is tarah kar gaya dil ko mere viran koi

ai tamannā tujh ko ro luuñ shām-e-vasl
aaj tū dil se nikālī jā.egī

baat saqi ki na Tali jaegi

darz tak se ab na phūTegī tamannā kī phuvār
chashma-e-ḳhvāhish pe ham ne dil kā patthar rakh liyā

jo diya tu ne hamein wo surat-e-zar rakh liya

koī ḳhūn-e-tamannā ho jhalak aatā hai ā.ankhoñ meñ
isī ko ittihād-e-bāda-o-paimāna kahte haiñ

pas-e-tauba hadis-e-mutrib-o-paimana kahte hain

shorish-e-ishq meñ hai husn barābar kā sharīk
soch kar jurm-e-tamannā kī sazā do ham ko

na siyo honT na KHwabon mein sada do hum ko

uf vo ik harf-e-tamannā jo hamāre dil meñ thā
ek tūfāñ thā ki barsoñ hasrat-e-sāhil meñ thā

uf wo ek harf-e-tamanna jo hamare dil mein tha

maiñ tire haath na chūmūñ to ye nā-shukrī hai
daulat-e-dard tamannā se sivā dī tū ne

fasl-e-gul KHak hui jab to sada di tu ne

ye kyā pāgal tamannā hai jo socho meñ utar ga.ī hai
paroñ meñ ik ajnabī havā bhar ga.ī hai

KHwahish

māne-e-arz-e-tamannā kyuuñ na ho rashk-e-raqīb
un se ham kahne na paa.eñ un ke monis se kaheñ

pher leta hai mukaddar ho ke munh jis se kahen