Tags-Tamanna

kaaTe haiñ vo sahrā-e-tamannā tan-e-tanhā
'ārif' bhī jahāñ nazroñ se poshīda rahā hai

tujh ko paane ke liye ḳhud se guzar tak jā.ūñ
aisī jiine kī tamannā hai ki mar tak jā.ūñ

kaliyoñ kī tarah phuuT sar-e-shāḳh-e-tamannā
ḳhushbū kī tarah phail chaman-tā-ba-chaman tū

'aḳhtar' us jān-e-tamannā kī adā
jab kabhī yaad aa ga.ī taḌpā ga.ī

tamannā shauq se nigarāñ hai is meñ
kisī kā zaḳhm-e-dil rauzan kisī kā

ye kis manzil pe le aa.ī tamannā
ki bas ik dard-e-tanhā.ī hai mahram

talātum meñ bahā kar jo mirī hastī ko le jaatī
usī mauj-e-tamannā se mujhe pahle sambhalnā thā

kaisī talāsh kis kī tamannā kahāñ kā shauq
uljhe hue haiñ lazzat-e-dard-e-nihāñ se ham

masāf-e-zīst hai bhar de lahū se jaam mirā
na muskurā ke mujhe sāġhar-e-tamannā de

sabza-e-lams pe baḌhtā huā lamha lamha
sust-rau sho.ala-e-tūfān-e-tamannā aisā

ab na vo josh-e-tamannā baaqī
ab na vo ishq kī vahshat hai mujhe

shumāl-e-jāvedān-e-sabz-e-jāñ se
tamannā kī amārī jā rahī hai

'yāvar' ham ko pā na sakoge jaise ab haiñ aise kab the
dil kī nazākat jurm-e-mohabbat kufr-e-tamannā kyā nahīñ dekhā

chhalnī siine raushan chehre ḳhūnīñ āñkheñ rañgīñ dāman
ThanDī aaheñ vīrāñ nazreñ hashr-e-tamannā kyā nahīñ dekhā

sar meñ saudā bhī nahīñ dil meñ tamannā bhī nahīñ
lekin is tark-e-mohabbat kā bharosā bhī nahīñ

guzre hue lamhe kī vo be-nām kasak huuñ
tum jis kī tamannā meñ pareshān phiroge

ḳhud apnī lauh-e-tamannā pe khil ke dekhūñgā
kisī ke jabr ne likkhā thā rā.egāñ mujh ko

ye gavārā ki mirā dast-e-tamannā bāñdhe
apnī mahram ko na kas kar koī itnā bāñdhe

dair-o-haram ā.īna-e-takrār-e-tamannā
vāmāñdagī-e-shauq tarāshe hai panāheñ

uḌte lamhoñ ko pakaḌne kī tamannā hai abas
ye parinde to kabhī Tikte nahīñ ashjār par