Tags-Tamanna

tum apne ḳhvāb kī āñkhoñ pe haath rakh lenā
matā-e-jāñ kī tamannā to kho diyā maiñ ne

nāzuk hai mire naḳhl-e-tamannā kī har ik shāḳh
is ḳhauf se vo phūlne-phalne nahīñ dete

kuchh dekhne kī dil meñ tamannā nahīñ baaqī
kyā apnī bhī tāqat se sivā dekh liyā hai

tū mujh ko bhūlnā chāhe to bhuul saktā hai
maiñ ek harf-e-tamannā tirī kitāb meñ huuñ

ham-rañg-e-shafaq hai dil-e-ma.asūm kā aalam
vo daur-e-tamanna kī sahar chup ke khaḌī hai

apnī nigāh-e-shauq ko rusvā kareñge ham
har dil ko be-qarār-e-tamanā kareñge ham

umr-e-ḳhizar kī us ko tamannā kabhī na ho
insān jī sake jo mohabbat meñ chaar din

maiñ muntazir huuñ terī tamannā liye hue
aa jā faroġh-e-husn kī duniyā liye hue

kyuuñ phail chalā bazm-e-tamannā meñ dhuāñ sā
kyuuñ terī mohabbat kā diyā bujh sā gayā hai

kuchh sunñe kī ḳhvāhish kānoñ ko kuchh kahne kā armāñ ā.ankhoñ meñ
gardan meñ hamā.il hone kī betāb tamannā bāñhoñ meñ

vo qalb-gāh-e-tamannā meñ ik charāġh kī lau
ko tez rakhtā thā nazr-e-havā na kartā thā

tū na thā terī tamannā dekhne kī chiiz thī
dil na maanā varna duniyā dekhne kī chiiz thī

jab dil hī nahīñ hai pahlū meñ phir ishq kā saudā kaun kare
ab un se mohabbat kaun kare ab un kī tamannā kaun kare

ham aaj rāh-e-tamannā meñ jī ko haar aa.e
na dard-o-ġham kā bharosā rahā na duniyā kā

rah ga.ī ghuT ke mire dil meñ tamannā terī
ek parvāz-e-shikasta par-o-bāzū kī tarah

ye kār-e-mohabbat bhī kyā kār-e-mohabbat hai
ik harf-e-tamannā hai aur us kī pazīrā.ī

bahut sair kī bāġh-e-jannat kī ham ne magar kuchh mazā zindagī kā na dekhā
kisī dil meñ dard-e-mohabbat na paayā kisī dil meñ dāġh-e-tamannā na dekhā

koī nahīñ thā magar sāhil-e-tamannā par
havā-e-shām meñ jab rañg-e-indimāl aayā

jab tak charāġh-e-shām-e-tamannā jale chalo
do-chār hī qadam hai ye rasta chale chalo

arz-e-tamannā kar ke gañvāyā ham ne bharam ḳhuddārī kā
ho ga.ī go takmīl-e-tamannā dil ko nadāmat aaj bhī hai