Tags-Tamanna

mizha ke ashk tamannā ke zaḳhm yaad ke phuul
ka.ī charāġh sar-e-shām-e-intizār mile

hai kahāñ tamannā kā dūsrā qadam yā rab
ham ne dasht-e-imkāñ ko ek naqsh-e-pā paayā

raushan harm-e-jāñ meñ hai ik sham-e-tamannā
dil pahle jalāyā hai to parvāna banā huuñ

zabāñ pe harf-e-tamannā na aa.e kyā parvā
simaT ke aa ga.e nazroñ meñ dil ke vīrāne

tā kujā afsos-e-garmī-hā-e-sohbat ai ḳhayāl
dil ba-soz-e-ātish-e-dāġh-e-tamannā jal gayā

koī dastak na sadā koī tamannā na talab
ham ki darvesh the yuuñ bhī tire dar se guzre

nasb kareñ mehrāb-e-tamannā diida o dil ko farsh kareñ
sunte haiñ vo kū-e-vafā meñ aaj kareñge nuzūl miyāñ

chubhe hazār tamannā se kyuuñ na be-khaTke
ki ḳhaar ko koī ham sā barahna-pā na milā

yūñhī to nahīñ zinda o bedār ye tasvīr
har naqsh meñ rañg apnī tamannā ne bhare haiñ

duniyā se to laḌne kā aa.egā mazā kitnā
paane kī tamannā meñ miTne kā bhī imkāñ hai

juuñ hinā apne vo qadmoñ se na lagne deñge
is tamannā meñ agar ḳhaak meñ ral jā.ūñgā

guzrā thā dabe paañv jahāñ se tū shab-e-māh
maiñ hī vo tirā bāġh-e-tamannā to nahīñ huuñ

na armāñ ko dekhā nikalte hue
na naḳhl-e-tamannā ko phalte hue

tamannā maut kī radd ho ga.ī hai vaqt ke Dar se
agar maiñ zindagī māñgūñ mujhe jiine nahīñ detā

na pūchho 'shād' vīrānī ko dil kī kyā batā.ūñ maiñ
tamannā jā chukī hasrat ġharīb is meñ akelī hai

buḌhāpā ho to ho us rabt meñ kyuuñ kar ḳhalal aa.e
mirī yās-o-tamanna bachpane se saath khelī hai

tū sitāroñ ko apnī jilau meñ liye jā rahā thā tujhe kyā ḳhabar kyā huā
ik tamannā darīche meñ baiThī rahī ek bistar kahīñ be-shikan rah gayā

har gaañv suhānā ho har shahr chamak uTThe
dil kī ye tamannā hai puurī ho magar kaise

jamūd-e-sehr-e-tamannā meñ rah nahīñ saktā
faroġh pā.egā azm-e-javāñ kabhī na kabhī