Tags-Tamanna

chhoḌo chhoḌo sanam
tamannā merī qasam

kahne ko to hai dīda-e-nargis meñ bhī jaadū
har aañkh meñ tasvīr-e-tamannā to nahīñ hai

in bārishoñ kī mujh ko tamannā bhī thī bahut
dīvār se zarā sā miTā bhī huā huuñ maiñ

ab dil kī tamannā hai to ai kaash yahī ho
aañsū kī jagah aañkh se hasrat nikal aa.e

vaqt-e-āḳhir to nikal jaa.e tamannā merī
vo na aise meñ bhī aa.eñ kahīñ aisā na kareñ

raqsāñ hai charāġhān-e-tamannā mire harsū
vo raushaniyāñ haiñ ki maiñ saa.e se judā huuñ

mirī bahār-e-tamannā ko jāvedāñ kar de
maiñ kyā karūñgā bhalā umr-e-rā.egāñ le kar

tamām husn-e-tamannā dhuāñ dhuāñ le kar
nigāh bujh hī ga.ī raat kā samāñ le kar

jāntā huuñ go ma.āl-e-hazrat-e-ādam magar
kū-e-jānāñ kī tamannā phir bhī mere dil meñ hai

ye kis maqām-e-tamannā se be-ḳhudī guzrī
ye kis kā naam pas-e-iltimās chhoḌ ga.ī

ham bisāt-e-tamannā bichhāte rahe
aate aate vo aate rahe rāt-bhar

ab to sarmā kī shab ban ke ThiThure hai ḳhuuñ
aur kab tak tumhārī tamannā karūñ

ai shaaKH-e-tamannaa tujhe tanhaa nahii.n karte
KHanjar tujhe pa.Dte hai.n pa hote hai.n qalam ham

ye mere sāthī haiñ pyāre sāthī magar inheñ bhī nahīñ gavārā
maiñ apnī vahshat ke maqbare se na.ī tamannā ke ḳhvāb dekhūñ

sair-e-hastī meñ kahīñ aur bhī ghuum aate haiñ
ek hī shahr-e-tamannā nahīñ dekhā jaatā

ek ḳhayāl-e-ḳhām hai maanā is kī tamannā is kā shauq
umr-e-ḳhizr mayassar ho to sirf ḳhayāl-e-ḳhām karo

jin ke dam se ġhurbat meñ bhī bazm-e-tamannā raushan hai
pyaar un saarī māh-vashoñ ko 'ishqī' nām-ba-nām karo

ye safedī hai sahar kī yā tamannā kā kafan
haa.e kyā paanā thā kyā vaqt-e-sahar paatā huuñ maiñ

jā rahā hai tire hoñToñ kī tamannā le kar
zindagī-bhar tirī āvāz pe marne vaalā