Tags-Tamanna

rakh liyā thoḌā sā imkān-e-tamannā ne bharam
dast sharminda rahe chāhe atā ho ki na ho

bas ye āshob mohabbat kī davā hai 'bāliġh'
marg-e-āsān kī tamannā ho qazā ho ki na ho

duā kartā huuñ milne kī tamannā kar nahīñ paatā
bhalā kyā sāmnā kar pā.eñge ahl-e-havas merā

ishq ḳhud aap ḳhurāfāt-e-tamannā hai 'za.īm'
is liye dasht-e-ḳhurāfāt meñ aa.e hue haiñ

har tamannā ne nikalte hī daġhā dī kaisī
kuchh vafādār vo armāñ thā jo puurā na huā

larzish-e-lab ko zabāñ koī kumak de na sakī
pūchhne par bhī to elān-e-tamannā na huā

ham apne ahd-e-tamannā pe ab bhī qaa.em haiñ
zarā sharīk-e-tamannā ko bhī ḳhabar kiije

huuñ apne hī hujūm-e-tamannā meñ ajnabī
maiñ apne hī dayār-e-nafas meñ jilā-vatan

vo nahīñ hai na sahī tark-e-tamannā na karo
dil akelā hai ise aur akelā na karo

aañkh meñ aañsū kā aur dil meñ lahū kā kaal hai
hai tamannā kā vahī jo zindagī kā haal hai

be-ḳhudī haa.e tamannā kī na thī fursat-e-vahm
be-kasī haa.e tamāshā ki koī thā bhī nahīñ

be-dilī vo hai ki marne kī tamannā bhī nahīñ
aur jī leñ kisī ummīd pe aisā bhī nahīñ

ḳhuun kar ke mirī tamannā kā
daaġh dāman ke dho rahe ho tum

tere sivā kisī kī tamannā karūñgā maiñ
aisā kabhī huā hai jo aisā karūñgā maiñ

gar baqā kī hai tamannā to fanā kar ḳhud ko
biij sahtā hai sitam kitne shajar hone tak

phir 'zakī' dil ko ye tamannā hai
ham se nāz-o-adā kare koī

husn-e-be-mehr ko parvā-e-tamannā kyā ho
jab ho aisā to ilāj-e-dil-e-shaidā kyā ho

muddatoñ tark-e-tamannā pe lahū royā hai
ishq kā qarz chukāyā hai bahut din ham ne

nayā mile to koī zā.iqa tamannā ko
dil-e-tabāh mirī ye jalan badalnā to

pī chuke the zahr-e-ġham ḳhasta-jāñ paḌe the ham chain thā
phir kisī tamannā ne saañp kī tarah ham ko Das liyā