Tags-Tamanna

us kī ḳhvāhish kā shajar ḳhushk nahīñ ho saktā
jis kī har shāḳh-e-tamannā meñ lachak baaqī hai

thī terī tamannā kāhish-e-jāñ is dard se meñ dīvāna thā
chhālā thā dil apne siine meñ ai vā-asfā vo phuuT gayā

vahī madār-e-tamannā vahī sitāra-e-dil
fareb-ḳhurda-e-māzī-o-hāl-o-mustaqbil

zindagī apnī kisī tarah basar karnā hai
kyā karūñ aah agar terī tamannā na karūñ

zanjīr-e-junūñ kuchh aur khanak ham raqs-e-tamannā dekheñge
duniyā kā tamāsha dekh chuke ab apnā tamāsha dekheñge

fazā meñ gard ke zarroñ kī sūrat ham muallaq haiñ
na uḌne kī tamannā kī na farsh-e-ḳhāk par baiThe

chalnā nasīb-e-zīst hai yuuñ hī chale chalo
is rāste meñ shahr-e-tamannā na aa.egā

ḳhamoshī par bhī hai un ko gumāñ arz-e-tamannā kā
zabān-e-hāl se kuchh kah ga.ī vāraftagī apnī

nairañgī-e-dil hai ki taġhāful kā karishma
kyā baat hai jo terī tamannā nahīñ ham ko

jin ke dil kuchle hue jin kī tamannā pā.emāl
jhāñktā hai jin kī āñkhoñ se jahannam kā jalāl

bahār kaun sī sauġhāt le ke aa.ī hai
hamāre zaḳhm-e-tamannā tū aa ke dekh zarā

aisā lagtā hai ki ab vo qabr tak jā.egī saath
dil ke ḳhānoñ meñ nihāñ thī jo tamannā umr bhar

nahīñ bhūltā 'saif' ahd-e-tamannā
magar rafta rafta bhulānā paḌegā

ajiib shai hai tarah-dār bhī tamannā bhī
raqīb-e-jāñ bhī hai qātil bhī hai masīhā bhī

mujhe pīchhe nahīñ rahnā hai jiine kī tamannā
husain ibn-e-alī ke saath chalnā chāhtā huuñ

ab mujhe aur kisī shai kī tamannā na rahī
mutma.in huuñ tirī dahlīz kā patthar le kar

nikalne hī na paa.e halqa-e-dasht-e-tamannā se
milī thī gardish-e-parkār aisī kuchh ġhazāloñ ko

sab hasratoñ ko ḳhaak meñ zālim milā diyā
ab dil meñ kyā rahā ki tamannā kaheñ jise

sher likhtā huuñ ki taqdīr-e-tamannā ai 'shāz'
hunar-e-lauh-o-qalam ne mujhe jiine na diyā

hone do aaj shāḳh-e-tamannā ko bārvar
mumkin hai kal nafas kā yahāñ se guzar na ho