Tags-Tamanna

kareñge na arz-e-tamannā ki ham ḳhud
mohabbat kā apnī bharam jānte haiñ

sub.h bichhaḌ kar shaam kā va.ada shaam kā honā sahal nahīñ
un kī tamannā phir kar lenā sub.h ko pahle shaam karo

ye gard-bād-e-tamanā meñ ghūmte hue din
kahāñ pe jā ke rukeñge ye bhāgte hue din

puurī huī na sar ko kaTāne kī aarzū
kāñdhoñ pe mere dil kī tamannā rukī rahī

hai aaj ḳhūn-e-tamannā to kal ummīd kī maut
dil-e-hazīñ ne janāze uThā.e haiñ kyā kyā

ishq meñ ye huī hālat tire dīvāne kī
ab na jiine kī tamannā hai na mar jaane kī

ye mere sāthī haiñ pyāre sāthī magar inheñ bhī nahīñ gavārā
maiñ apnī vahshat ke maqbare se na.ī tamannā ke ḳhvāb dekhūñ

maiñ jiine kī tamannā le ke uThtī huuñ
magar jab din guzartā hai

sajā kar laḳht-e-dil se kashtī-e-chashm-e-tamannā ko
chalā huuñ bārgāh-e-ishq meñ le kar ye nazrāna

us shaḳhs ke zamīr ne kar lī thī ḳhud-kushī
paudā havas kā jis kī tamannā ke ban meñ thā

kuchh lutf o nazar lāzim o malzūm nahīñ haiñ
ik ye bhī tamannā kī na ho shobada baazī

khilne kī tamannā thī zulfoñ ke gulistāñ meñ
dil TuuT gayā gul kā murjhāyā huā sā hai

sabā ne faash kiyā rāz-e-bū-e-gesū-e-yār
ye jurm ahl-e-tamannā ke sar nahīñ aayā

shahr ho dasht-e-tamannā ho ki dariyā kā safar
terī tasvīr ko siine se lagā rakkhā hai

ai ḳhudā kashmakash-e-yās-o-tamannā kab talak
un ke rahne ke liye dil meñ ho har ḳhāna judā

dil apnā said-e-tamannā hai dekhiye kyā ho
havas ko ishq kā saudā hai dekhiye kyā ho

ik umr bhaTakte rahe ghar hī nahīñ aayā
sāhil kī tamannā thī nazar hī nahīñ aayā

jise paalā thā ik muddat tak āġhosh-e-tamannā meñ
vahī baanī huā mere ġham o dard o aziyyat kā

phūTe haiñ kahīñ aah bhare dil ke phaphole
pāmāl koī shahr-e-tamannā bhī huā hai

vo umr-bhar kī asīrī milī tamannā ko
ġharīb mar ke hī niklegī ghar se zāhir hai