Tags-Tamanna

sukūñ se marte haiñ marne vaale jinheñ ujāloñ kī hai tamannā
yahī bahut hai ki sū-e-maqtal charāġh-e-shām-o-sahar rahe haiñ

masarrat zindagī kā dūsrā naam
masarrat kī tamannā mustaqil ġham

is tarah kar gayā dil ko mire vīrāñ koī
na tamannā koī baaqī hai na armāñ koī

Tapak ke dīda-e-nam se sadā.eñ detā hai
jo ek harf-e-tamannā dil-e-tabāh meñ thā

ab nishāñ mile shāyad manzil-e-tamannā kā
tere hijr ke ġham se aa ga.e tire ġham tak

tū hī batā ki chāheñ tujhe aur kis tarah
ye terī justujū ye tamannā nahīñ to kyā

hai un ke dam-qadam hī se kuchh ābrū-e-zīst
dāman meñ jin ke dasht-e-tamannā kī dhuul hai

udhar saarī tamannāoñ kā markaz āstāñ un kā
idhar barham tamannā par mirī sarkash jabīñ mujh se

tumhīñ se kyā chhupānā hai tumhārī hī to bāteñ haiñ
jo kahtī hai tamannā kī nigāh-e-vāpsīñ mujh se

kuchh dekh ke piite haiñ lahū ahl-e-tamannā
mai-ḳhvār kisī baat pe mai-ḳhvār hue haiñ

chashm-e-be-aib meñ us kā hī sarāpā kyuuñ thā
jis kā ġham hadd-e-tamannā meñ samāyā huā hai

hairān huuñ kis tarah karūñ arz-e-tamannā
dushman ko to pahlū se vo Talne nahīñ dete

bachā thā kuchh jo ragoñ meñ lahū tamannā kā
usī ko bech ke hāsil ma.āsh karte rahe

log kahte haiñ mohabbat se tamannā jis ko
merī shah-e-rag usī talvār se kaT jā.egī

sub.h kī sair kī kartā huuñ tamannā shab bhar
din nikaltā hai to bistar meñ paḌā rahtā huuñ

un kī yaad un kī tamannā un kā ġham
kaT rahī hai zindagī ārām se

ek aahaT sī achānak huī dil ko mahsūs
kisī derīna tamannā kā muqaddar jaagā

dil ki aatā hī nahīñ tark-e-tamannā kī taraf
koī iqrār kā pahlū tire inkār meñ thā

pās-e-nāmūs-e-tamannā har ik āzār meñ thā
nashsha-e-nig.hat-e-gul bhī ḳhalish-e-ḳhār meñ thā