Tags-Tamanna

ik chāñd ko chhūne kī tamannā meñ huuñ pāgal
bādal sā uḌā jaatā huuñ ḳhvāboñ ke safar meñ

thā dil bhī kabhī shahr-e-tamannā meñ mumāsil
ye qarya hamesha se bayābāñ to nahīñ thā

yahāñ kisī kā bhī chehra dikhā.ī de na sake
harīm-e-dil meñ tamannā kī raushnī hai bahut

terī ulfat sho.abada-parvāz hai
aarzū gar hai tamannā-sāz hai

is tarah ahd-e-tamannā ko guzāre jā.iye
un ko ḳhāmoshī ke lahje meñ pukāre jā.iye

dil se āḳhir charāġh-e-vasl bujhā
kyā tamannā ne intiqām liyā

ab valvale ishq ke tamannā meñ nahīñ
majnūñ koī justujū-e-lailā meñ nahīñ

maiñ ek dasht-e-tamannā meñ niim zinda huuñ
havās-bāḳhta ghāyal barahna-pā ḳhāmosh

na sochne par bhī sochtī huuñ ki zindagānī meñ kyā rahegā
tirī tamannā ko dafn kar ke tire ḳhayāloñ se duur jā ke

kyā kareñ arz-e-tamannā ki tujhe dekhte hī
lafz pairāya-e-iz.hār meñ gum ho jaa.eñ

mere anjām pe hañsne kī tamannā na karo
kam hī badlegī gulistāñ kī havā mere ba.ad

na jaane kis ko vo apnā samajh ke apnā leñ
nazar ko dil ko tamannā ko baarī baarī rakh

duniyā kī tamannā thī kabhī ham ko bhī 'fākir'
ab zaḳhm-e-tamannā kī davā DhūñDh rahe haiñ

mañjdhār meñ kashtī kā badalnā nahīñ manzūr
aisī mujhe sāhil kī tamannā nahīñ koī

ye husn-o-jamāl un kā ye ishq-o-shabāb apnā
jiine kī tamannā hai marne kā zamānā hai

sunī hai bārhā merī tamannā
kiyā hai us ne mujh ko bārhā ḳhush

fanā kartā hai pahle zindagī kī har tamannā ko
kahīñ tab jā ke insāñ pastī-e-ġham se ubhartā hai

na māl-o-zar kī tamannā na zindagī kī havas
na jaane kaun sī quvvat liye phire hai mujhe

har jafā terī munāsib har sitam terā durust
ab vahī merī tamannā hai jo tere dil meñ hai