Tags-Tamanna

barbād-e-tamannā pe itaab aur ziyāda
haañ merī mohabbat kā javāb aur ziyāda

sar bar huī na vāda-e-sabr-āzmā se umr
fursat kahāñ ki terī tamannā kare koī

raqs kī raat kisī ġhamza-e-uryāñ kī kiran
is liye ban na sakī rāh-e-tamannā kī dalīl

nazar kā mudda.ā dil kī tamannā kaun dekhegā
vo jān-e-ārzū hogā to kis ko aarzū hogī

nigāhoñ meñ sham-e-tamannā jalā kar takī hoñgī tum ne bhī rāheñ kisī kī
kisī ne to va.ada kiyā hogā tum se kisī ne to tum ko rulāyā to hogā

tamannā rafta rafta rañg kuchh dikhlā.egī apnā
banegī nūr-e-jāñ aur dīda-e-kāmil se niklegī

mai-e-kohna na sahī ḳhūn-e-tamannā hī sahī
ek paimāna mire sāmne laayā to gayā

kabhī jo us kī tamannā zarā biphar jaa.e
nasha phir us kī anā kā utar utar jaa.e

ab nahīñ mileñge ham kūcha-e-tamannā meñ
kūcha-e-tamannā meñ ab nahīñ mileñge ham

qatra dariyā hai to kyuuñ shorish-e-dariyā-talabī
har tamannā ko mohabbat kā ziyāñ kahtā huuñ

roz ik dard tamannā se nayā lete haiñ
ham yūñhī zindagī-e-ishq baḌhā lete haiñ

jaane kab un ko bujhā baiThe koī bād-e-alam
sar-e-mizhgān-e-tamannā jo sitāre hue haiñ

ik aarzū sab le ga.e saath apne jahāñ se
anjām kisū se na huā kār-e-tamannā

us shoḳh se kyā kījiye iz.hār-e-tamannā
ye log koī sunte haiñ guftār-e-tamannā

murdoñ se 'huzūr' ho na sake minnat-e-dūnā
sar jaa.e par un se na uThe bār-e-tamannā

pahlū ko mire baaġh kiyā ishq ne tere
zaḳhmoñ se mirā dil huā gulzār-e-tamannā

rañgīnī-e-jamāl fareb-e-ḳhayāl hai
'tālib' vagarna dil meñ tamannā kahāñ rahe

hasrat se bharā dil mire pahlū meñ nahīñ hai
phirtā huuñ baġhal meñ liye tūmār-e-tamannā

ye ḳhūbī-e-qismat ki mile bāġh-e-jahāñ se
sab ko gul-e-umīd o hameñ ḳhār-e-tamannā