Tags-Tamanna

sūraj ko hathelī pe lakīroñ kī tamannā
ab chāñd kī thālī meñ kiran hai na diyā hai

jaate haiñ nā kisī ke ghar ham aur na koī kuchh detā hai ham ko
qat.a kiye haiñ ham ne donoñ pā-e-talab aur dast-e-tamannā

is qadar tez chalī ab ke havā-e-nā-būd
chaah kar shahr-e-tamannā kā khañDar dekh na paa.e

hamāre zaḳhm-e-tamannā purāne ho ga.e haiñ
ki us galī meñ ga.e ab zamāne ho ga.e haiñ

aañkh sarshār-e-tamannā hai to va.ada kar le
chaal kahtī hai ki ab lauT ke aanā kaisā

rah ga.ī dil meñ dāġh-e-dil ban kar
vo tamannā jo bārvar na huī

koī is jabr-e-tamannā kī bhī had hai 'fānī'
ham shab-e-hijr meñ ummīd-e-sahar rakhte haiñ

mirī tamannā hai ab ke tum phir milo to jī bhar ke muskurā.eñ
ki dekhnā hai ye raushnī kā safar bahut der ba.ad jā kar

har ik dāġh-e-tamannā ko kaleje se lagātā huuñ
ki ghar aa.ī huī daulat ko Thukrāyā nahīñ jaatā

ma.āl-e-kār-e-qanā.at hai so abhī se sahī
vagarna tūl-e-tamannā kī intihā bhī nahīñ

ḳhūn-e-jigar āñkhoñ se bahāyā ġham kā sahrā paar kiyā
terī tamannā kī kyā ham ne jīvan ko āzār kiyā

bahisht kī mujhe tarġhīb de na tū vaa.iz
kisī kī mujh ko tamannā nahīñ sivā.e habīb

ab us ke vāste ḳhud ko na yuuñ tabāh karo
ab imtihāñ kī tamannā se fā.eda kyā hai

duur nahīñ thā shahr-e-tamannā
aap hī mere saath na aa.e

chāhatoñ ke dā.ere jab be-nishāñ hone lage
phir mire ḳhūn-e-tamannā meñ nahā.īñ uñgliyāñ

saada kāġhaz kī tarah dil chup hai
hāsil-e-rañg-e-tamannā dekho

salāh-e-ḳhush-guzarāñ qātil-e-tamannā hai
magar vaqār-e-tamannā yahāñ to kuchh bhī nahīñ

hūr-e-jannat un se kuchh baḌh kar sahī
ek dil kyā kyā tamannā kījiye

hausla teġh-e-jafā kā rah na jaa.e
aa.iye ḳhūn-e-tamannā kījiye