Tags-Tamanna

shor hī karb-e-tamannā kī alāmat na rahe
kisī dīvār meñ bhī gosh-e-samā.at nahīñ ab

dil kī tamannā thī mastī meñ manzil se bhī duur nikalte
apnā bhī koī sāthī hotā ham bhī bahakte chalte chalte

gar tamannā guhar kī hai to kar
chashm merī se āstīñ iḳhlās

mausam-e-gul zard hai ḳhūn-e-tamannā ke baġhair
naqd-e-jāñ le kar chaman meñ sarfaroshāna chalā

''har tamannā dil se ruḳhsat ho ga.ī''
lījiye fursat hī fursat ho ga.ī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

us ko sab ek hai yuuñ dard-o-sukūñ vasl-o-firāq
haañ magar merī tamannā ke sabab zid hai use

vo tap-e-ishq-e-tamannā hai ki phir sūrat-e-sham.a
sho.ala tā-nabz-e-jigar resha-davānī māñge

kiyā hai maiñ ne iz.hār-e-tamannā jaane kis kis se
mujhe aksar tirī sūrat kā dhokā ho hī jaatā hai

jis pe miT jaane kī tamannā hai
vo sarāpā nazar nahīñ aatā

ishq merī hī tamannā to nahīñ
terī niyyat bhī to bad hai, had hai

hai kaun jo phūloñ kī tamannā nahīñ rakhtā
ik 'sayyad'-e-dīvāna ki dāman meñ bhare ḳhaak

DhūñDhtā huuñ sar-e-sahrā-e-tamannā ḳhud ko
maiñ ki samjhā thā kabhī rūh-e-tamāshā ḳhud ko

kūcha-gardī meñ kaTīñ shauq kī kitnī rāteñ
phir bhī us sham-e-tamannā kā shabistāñ na milā

shahīd-e-kaif-e-tamannā hai āshiq-e-betāb
bahār-e-husn-e-safā ham-navā bane na bane

ho harī shāḳh-e-tamannā yā na ho
sīñch denā chashm-e-tar kā kaam hai

naġhma-e-tamannā se ḳhūn-e-dil Tapaktā hai
ishratoñ ke matavālo shā.irī se mat khelo

bas ik nigāh-e-karam hai kaafī agar unheñ pesh-o-pas nahīñ hai
zahe tamannā ki merī fitrat asīr-e-hirs-o-havas nahīñ hai

kyā karoge jab kabhī shahr-e-tamannā meñ tumheñ
ham se be-ābād logoñ ko basānā paḌ gayā