Tags-Tasweer

fazā kā zarra zarra ishq kī tasvīr thā kal shab jahāñ maiñ thā
maiñ ḳhud apnī nazar meñ sāhib-e-tauqīr thā kal shab jahāñ maiñ thā

har parī-zād kī hai jalva-numā ik tasvīr
shīsha-e-dil hai hamārā ki parī-ḳhāna-e-ishq

kaun samjhegā mujhe tasvīr adhūrī chhoḌ duuñ
rañg koī dā.era-dar-dā.era dene se kyā

qarīb thā ki maiñ kār-e-junūñ se baaz aa.uuñ
khiñchī ḳhayāl meñ tasvīr-e-kohkan kyā kyā

zindagī kī thā alāmat ik hunar be-jān sā
rah gayā tasvīr koī dekh kar hairān sā

ābdīda bhī thā maiñ naqsh ba-dīvār bhī thā
mujh ko dekho ki ye tasvīr bhī roī barsoñ

tasvīr kisī kī dekhte haiñ
mahv-e-gul-o-bostāñ nahīñ ham

āsmāñ par jo sitāroñ kī thī mahfil is meñ
ham ne dekhī thī numāyāñ tirī tasvīr talak

āñdhiyoñ kī zad meñ hai merā vajūd
aur maiñ dīvār kī tasvīr huuñ

apnā apnā dukh batlānā hotā hai
miTTī se tasvīr meñ aanā hotā hai

dil gayā thā to ye āñkheñ bhī koī le jaatā
maiñ faqat ek hī tasvīr kahāñ tak dekhūñ

apnī tasvīr sāmne rakh kar
dekhtā huuñ tire zamāne ko

tū bhī gul ke ā.īne par khīñch de tasvīr-e-husn
maiñ bhī bulbul ko sunā.ūñ baaġh meñ taqrīr-e-ishq

dekhne vaale ye kahte haiñ kitāb-e-dahr meñ
tū sarāpā husn kā naqsha hai maiñ tasvīr-e-ishq

sab jaisā huuñ lekin mire tasvīr-garoñ ne
chehra mirā is ruḳh se banāyā hai ki maiñ huuñ

kuchh rañg lagā.e bhī haiñ tasvīr-garoñ ne
yā hañs ke ye kāġhaz hī uḌāyā hai ki maiñ huuñ

tasvīr us kī kaise khiñchī mānī-e-ḳhayāl
hairān jis kī shakl-o-shamā.il meñ rah gayā

shān-e-ġhurūr un kī tasvīr ik ruḳhī hai
aur aarzū kī nazreñ shaidā bhī haiñ hasīñ bhī

ġham husn-e-mukammal thā dil hairat-e-kāmil thā
tasvīr kā ā.īna tasvīr ke qābil thā

misāl-e-vaqt meñ tasvīr-e-sub.h-o-shām huuñ ab
mire vajūd pe chhā.ī hai shab tumhārī tarah