Tags-Tauba

ālam-e-husn-e-sādgī tauba
ishq khā khā ke pech-o-tāb uThā

shikast-e-tauba kī tamhīd hai tirī tauba
zabāñ pe tauba 'mubārak' nigāh sāġhar par

un se ummīd-e-vasl ai tauba
vo to sūrat dikhā nahīñ sakte

ye ina.am-e-taġhāf ai dil-e-himmat-shikan tauba
mujhe gum kar to yuuñ gum kar ki mahv-e-justujū kar de

mahfil-e-husn meñ shauq-e-dil-e-zāhid mat pūchh
ghol kar tauba ko pī jaate haiñ paimāne meñ

tauba to kī hai 'nazm' binā hogī kis tarah
kyūñ-kar jiyoge mashrab-e-rindāna chhoḌ kar

hamārī kashtī-e-tauba kā ye huā anjām
bahār aate hī ġharq-e-sharāb ho ke rahī

tumhāre dar se na māyūs jaa.eñ hājat-mand
qubūl hove jo tauba gunāhgār kareñ

duniyā hai ki gosha-e-jahannam
har vaqt azāb-e-ilāhī tauba

tauba kā takalluf kaun kare hālāt kī niyyat Thiik nahīñ
rahmat kā irāda bigḌā hai barsāt kī niyyat Thiik nahīñ

kaisā piinā kahāñ kī tauba
ab maiñ huuñ ḳhudā hai be-ḳhudī hai

ek vaz.a par ab ḳhudā nibāhe
tauba kar ke sharāb pī hai

saḳht-jānī mirī tauba tauba
qatl karte the ki ḳhanjar TuuTā

bahār aa.e muzhda masarrat kā le kar dhuāñ-dhār uTThīñ falak par ghaTā.eñ
idhar jaam chhalke udhar tauba TuuTe baham zohd-o-rindī meñ ho hāthā-pā.ī

saikḌoñ baar mire sāmne kī tauba magar
tauba 'aḳhtar' ki tirī bāda-gusārī na ga.ī

kyā burī hai mirī taqdīr ilāhī tauba
sulh kā naam jo luuñ aur laḌā.ī ho jaa.e

hamāre mulk meñ phir ḳhalfashār allāh-tauba
kahīñ apnā.iyat hai aur kahīñ par ġhairiyat hai

jaam hai tauba-shikan tauba mirī jām-shikan
sāmne Dher haiñ TuuTe hue paimānoñ ke

'mā.il' jo tauba karte ho kaisā hī abr ho
phir aañkh uThā ke shīsha-o-sāġhar na dekhnā

kis muñh se kaheñ gunāh kyā haiñ
tauba hai rū-siyāh kyā haiñ