Tags-Aagahi

kareñ hazār jatan rahbarān-e-rāh-e-sulūk
fazā hī dushman-e-īmān-o-āgahī hai to kyā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

gyaan maanā hai baḌā bhaktī bhī lekin kam nahīñ
āgahī apnī jagah dīvāngī apnī jagah

ek chup khaa.e ga.ī hai mujh ko
āgahī Dhaa.e ga.ī hai mujh ko

koī ahl-e-junūñ ko samjhā de
āgahī to nahīñ hai koī daam

zauq-e-āgahī bhī dekh tauq-e-be-kasī bhī dekh
paañv meñ haiñ zanjīreñ haath meñ pharere haiñ

haq kabhī jhuktā nahīñ hai sar bhī kaT jaa.e agar
zehn-o-dil ke vāste ik āgahī hai karbalā

jism kī ḳhvāhish se nikal kar chaleñ zāviya justujū kā badal kar chaleñ
DhūñDne āgahī kī koī rahguzar ruuh ke vāste sā.ebāñ yā aḳhī

jab tak vo pahlī tarjīh rahegā sab ḳhairiyat hai
mausam ko hai tamām āgahī phuul paat ke baare meñ

āgahī aa.ine talak hai kyā
ḳhud ke hone meñ koī shak hai kyā

sunā do ahl-e-vafā ko ye falsafa 'qaisar'
junūñ ne hosh kī duniyā ko āgahī baḳhshī

sīm-o-zar kā ik shajar us ke liye
shāḳh-e-ilm-o-āgahī merī taraf

yādoñ ke ik hujūm meñ rah kar patā chalā
tanhā.ī bhī to rakhtī hai mahfil kī āgahī

din-rāt jis ke pyaar meñ rahtī huuñ be-qarār
us ko nahīñ hai kyuuñ dil-e-bismil kī āgahī

nazroñ kā e.atibār to hai phir bhī merā dil
hai ik sahīfa jis meñ masā.il kī āgahī

us kā ḳhudā se rābta hī kuchh ajiib hai
duniyā kahāñ samajhtī hai saa.il kī āgahī

mashq-e-suḳhan 'sabīla' nikhāregī fan ko aur
matlūb hai kuchh aur abhī dil kī āgahī

sīkhā hai aadmī ne ka.ī tajraboñ ke ba.ad
tūfān se hī miltī hai sāhil kī āgahī

ḳhanjar kā e.atibār nahīñ vo to saaf hai
lekin milegī ḳhuun se qātil kī āgahī

rakkhe har ik qadam pe jo mushkil kī āgahī
miltī hai us ko raah se manzil kī āgahī