Tags-Aagahi

vo āgahī ke samundar kahāñ haiñ jin ke liye
tamām-umr ye pyāse safar meñ rahte haiñ

mire bahr o bar ko sameT le mire kūza-gar
mujhe an-kahī mujhe āgahī kā azaab de

āgahī dām-e-shunīdan jis qadar chāhe bichhā.e
mudda.ā anqā hai apne ālam-e-taqrīr kā

tere ahvāl se 'hasan' baare
us ko thoḌī sī āgahī to hai

tīnoñ dushman haiñ mere ḳhvāboñ ke
ye mire dost āgahī dastak

hai merī aañkh meñ ab tak vahī safar kā ġhubār
milā jo raah meñ sahrā-e-āgahī se mujhe

mire hamrāh kyuuñ vo shaḳhs chalnā chāhtā hai
safar ke josh meñ kyā āgahī gum ho ga.ī hai

jalte rahe ḳhayāl barastī rahī ghaTā
haañ nāz-e-āgahī tujhe kyā kuchh ravā na thā

na rumūz-e-ishq se bā-ḳhabar na mizāj-e-husn se āgahī
ye mazāq-e-rāmish-o-rañg bhī rah-e-rāstī se farār hai

yahī aa.ina hai vo ā.īna jo liye hai jalva-e-āgahī
ye jo shā.erī kā shu.ūr hai ye payambarī kī talāsh hai

luTā hai qāfila-e-āgahī do-rāhe par
zamāna-sāz to kyā ḳhud-shanās bhī na rahe

āshob-e-āgahī kī shab-e-be-kanār meñ
tere liye 'jamīl' koī sochtā to hai

tirā vasl hai mujhe be-ḳhudī tirā hijr hai mujhe āgahī
tirā vasl mujh ko firāq hai tirā hijr mujh ko visāl hai

parastish-e-ġham kā shukriya kyā tujhe āgahī nahīñ
tere baġhair zindagī dard hai zindagī nahīñ

ye abr-e-āgahī jo barastā rahā yūñhī
miTTī kā ye vajūd mirā ghul na jā.egā

āgahī
chand samjhautoñ kā

jism dhañsne lagā raat kī qabr meñ
phir vahī ḳhvāb kī āgahī aur maiñ

tirā haq bhī sar ba-zānū mirā kufr bhī pashīmāñ
mujhe āgahī ne luuTā tujhe ġhaflatoñ ne maarā

talab kī raah meñ khā kar shikast-e-āgahī maiñ ne
junūñ kī kāmyābī par mubārakbād dī maiñ ne

barahna-pā aao tum bhī hamdam bas ab to sahrā-e-ārzū meñ
tamāzat-e-reg-e-āgahī se tilism-e-mauj-e-sarāb TuuTe