Tags-Awaz

maiñ jab bhī shab ke dāman par koī sūraj ugātā huuñ
tirī sochoñ kī gahrī badliyāñ āvāz detī haiñ

chale jaate haiñ ham apnā lahū īñdhan banāne ko
dhuāñ detī huī jab chimniyāñ āvāz detī haiñ

ḳhizāñ ke ḳhauf se sahme parindo lauT bhī aao
tumheñ phir lahlahātī Tahniyāñ āvāz detī haiñ

zarā sī der meñ mausam badalne kā zamāna hai
havā ke bāzuoñ kī chūḌiyāñ āvāz detī haiñ

gardish-e-jām bhī hai raqs bhī hai saaz bhī hai
jis meñ naġhmoñ kā talātum hai vo āvāz bhī hai

ġharq-e-kaifiyat-e-āhañg-e-tarab sun to sahī
zindagī dard meñ Duubī huī āvāz bhī hai

kahāñ hai kānoñ kī hairatī kā sharāb-ḳhāna
jahāñ pe āvāz

yādoñ tanhā.ī se bāteñ kartī haiñ
sannāTā āvāz badaltā rahtā hai

kyā sitam hai ki mire shahr meñ merī āvāz
jaise āvāz-e-sagāñ hai koī suntā hī nahīñ

ġhubār-e-rāh se ai 'nazm' ye āvāz aatī hai
ga.ī ai umr-e-rafta tū kidhar pheñkā kahāñ mujh ko

kab se huuñ gosh-bar-āvāz tirī mahfil meñ
yaar dildār bas ab shikva-e-bejā na sunā

ek kabāḌī galiyoñ āvāz lagā.e
raakh ḳharīdo aag ke bhaav ḳhvāb kā kyā hai

khul hī ga.ī hai aañkh to āvāz de ke dekh
ḳhāmosh kyuuñ hai shab kā samundar paḌā huā

koī jañgal meñ gā rahā hai giit
dhīmī āvāz dukh bharā lahja

bastiyāñ ujḌī haiñ to sannāTā
merī āvāz meñ samāyā hai

rañg darkār the ham ko tirī ḳhāmoshī ke
ek āvāz kī tasvīr banānī thī hameñ

saa.e haiñ gosh-bar-āvāz zarā āhista
moniso aaj kī shab zikr-e-vafā āhista

mujh ko āvāz dete rahe roz-o-shab tere lutf-o-karam meñ ye aa paa.ī kab
tū nahīñ jab milā to huā ye ġhazab har tamannā-e-dil dar-ba-dar ho ga.ī

mujh ko ik āvāz tirī sunñe kī koshish meñ
kitne sannāToñ kā pīchhā karnā paḌtā hai

koī bhī dastak kare aahaT ho yā āvāz de
mere hāthoñ meñ mirā ghar to hai darvāza nahīñ