Tags-Awaz

bahut qarīb se āvāz ek aa.ī thī
magar chale to baḌā fāsla nazar aayā

ab to mas kartī hai jab aise ezār-e-gul se
aisī āvāz se guuñj uThtī hai gulshan kī fazā

ḳhāmushī kyā kisī gumbad kī fazā hai jis meñ
guuñj ke merī hī āvāz palaT aa.e hai

uḌtā hai rañg saath hī āvāz-e-nāz ke
chīn-e-jabīñ se aap ko itnā ḳhatar daroġh

miTTī kī āvāz sunī jab miTTī ne
sāñsoñ kī sab khīñchā-tānī ḳhatm huī

aaj bhī daar ke taḳhte se sadā aatī hai
haq kī āvāz sitamgar se dabā.ī na ga.ī

duur tak bikhrā huā ret kī sūrat hai vajūd
ḳhud ko āvāz idhar de ki udhar de koī

dayār-e-ḳhāmushī se koī rah rah kar bulātā hai
hameñ 'maḳhmūr' ik din hai usī āvāz par jaanā

aaj maddham sī hai āvāz-e-darūd
aaj jaltā hī nahīñ mandir meñ uud

ḳhud-kushī karte samay pūchhtā huuñ merā aziiz
aur āvāz sī aatī hai to mirā koī nahīñ

Takrā ke pahāḌoñ se palaT aa.egī āvāz
ḳhud mere savālāt javāboñ meñ mileñge

na gul-e-naġhma huuñ na parda-e-sāz
maiñ huuñ apnī shikast kī āvāz

ghabrā ke jo maiñ un ke dar par detā huuñ kabhī āvāz unheñ
to kahte haiñ vo Thahro dam lo aate haiñ ab afshāñ chunte haiñ

koī āvāz detā hai
harīr-o-parniyāñ jaisī sadāoñ meñ

kabhī na āsūda-e-amal ho magar irāda bhī kam nahīñ hai
aur is irāde kā ūñchī āvāz meñ i.aada bhī kam nahīñ hai

kū-e-bayāñ kī vīrānī se merā bhī jī baiTh gayā
muñh moḌe āvāz khaḌī hai sāz-e-rāh-sipārī kī

maiñ na kahtā thā davā.eñ nahīñ kaam ā.eñgī
jāntā thā tirī āvāz hī shāfī hai mujhe

khañDar hotī huī duniyā meñ terā giit gūñje
nayā āġhāz ban jā āḳhirī āvāz mat ho

ek din ḳhud ko nazar ā.eñge ham bhī 'ajmal'
ek din apnī hī āvāz se Takrā.eñge

kabhī to ashk meñ ḳhūn-e-jigar kā rañg-e-hayāt
kabhī to aah meñ dil kī dabī huī āvāz