Tags-Teer

ro.egā kabhī ḳhuub kabhī hañsegā
kyā aur tire tiir kā maarā bhī karegā

pahuñchegā tiir merā ye apne nishān par
itnā yaqīn mujh ko hai apnī kamān par

saath meñ us ke nikal aayā hai kyā merā jigar
dekhte haiñ kis liye paikāñ vo apne tiir kā

zid karte ho kyuuñ tiir na pahuñcheñge hadaf tak
armān hazāroñ haiñ dil-e-zār ke aage

sun le ye iltimās mirā dostāna hai
hushiyār ho ki tīr-e-ajal kā nishāna hai

ab sipar DhūñD koī apne liye
tiir kam rah ga.e kamānoñ meñ

zaḳhm-e-jigar meñ jhāñk ke dekho
kyā ye tumhārā tiir nahīñ hai

chuum kar aayā hai ye dast-e-hinā.ī aap kā
kyuuñ na rakkhūñ maiñ kaleje se lagā kar tiir ko

mujhe jo bhī dushman-e-jāñ milā vahī puḳhta-kār-e-jafā milā
na kisī kī zarb ġhalat paḌī na kisī kā tiir ḳhatā huā

maiñ huuñ ġhazāl-e-mushk-guzīda merā safar hai tiir ke saath
jab hotī hai tez ye ḳhushbū baḌhtī jaulānī aur

phir to apne ḳhuun meñ tair ke paar utarnā hogā
talvāroñ kī fasl ho jab tīr-andāzoñ ke pīchhe

tiir jab apnī kamānoñ se nikal jaate haiñ
kuchh parinde bhī uḌānoñ se nikal jaate haiñ

tīr-e-nigāh kī jo kamān thī juḌī huī
apnā jigar kabhī to kabhī dil nishāna thā

dil par jis ke naqsh na ubhrīñ vo kyā abrū kaisī nazar
kitnā hī tum tiir nazar ko abrū ko shamshīr likho

abhī se lutf-o-muravvat kā ehtimām na kar
nazar ko tiir laboñ ko abhī se jaam na kar

jab koī tiir havādis kī kamāñ se aayā
naġhma ik aur mire mutrib-e-jāñ se aayā

ye nād-e-alī kā ajab mo.ajiza thā
sabhī tiir palTe kamānoñ kī jānib

chāroñ jānib se tiir aa rahe the
shist to aap ne bhī lī hogī

ab ke bhī raas aa.ī na hubb-e-vatan 'hafīz'
ab ke bhī ek tīr-e-qazā khā ke aa gayā