Tags-Teer

agar tum tiir chhoḌoge
to ham ne apnī āñkhoñ ke sivā

tiir tarāzū ho jaatā hai aa kar dil meñ
hāthoñ meñ zaitūn kī Daalī rah jaatī hai

na huā hāshim-e-ayyār ke dil meñ sūrāḳh
ai shikārī tire tarkash meñ koī tiir bhī thā

qad tiir sā talvār tavāzo.a se huā hai
vo haath uThāte nahīñ be-dād-garī se

'muhib' be-tarah kuchh tum se kahegā
vahī tiir aah sāhab jānte haiñ

aalam kisī ke tīr-e-nazar kā shikār hai
phir bhī kisī kā tīr-e-nazar mutma.in nahīñ

har dil meñ chhupā hai tiir koī har paañv meñ hai zanjīr koī
pūchhe koī in se ġham ke maze jo pyaar kī bāteñ karte haiñ

tīr-o-kamāñ haiñ us ke qiyām-o-rukūa 'bahr'
ik din uḌā.egī hadaf-e-mudda.ā namāz

tīr-e-nigah lagā ke tum kahte ho phir lagā na ḳhuub
merā to kaam ho gayā siine ke paar ho na ho

said-e-zabūñ vo huuñ jo ravāñ tiir idhar huā
us kī qazā ne bolī kamān aur kī taraf

chhoḌ bhī aa.e vo ghar bhuul bhī aa.e haiñ vo yaad
dil meñ kuchh TuuTe hue tiir ke mānand bhī hai

haq meñ parvāne ke hai tīr-e-shahāb
ai 'vaqār' āh-e-ātishīn-e-sham.a

kab nikaltā hai ab jigar se tiir
ye bhī kyā terī āshnā.ī hai

adā se khīñch rahā hai kamāñ vo tīr-andāz
qazā pukār rahī hai zarā bachā ke mujhe

tirī tirchhī nazar kā tiir hai mushkil se niklegā
dil us ke saath niklegā agar ye dil se niklegā

tū merā hausla to dekh phir huuñ usī ke rū-ba-rū
tīr-o-tabar haiñ us ke paas aur maiñ Dhaal ke baġhair

mire junūñ ko havas meñ shumār kar legā
vo mere tiir se mujh ko shikār kar legā

in do ke sivā koī falak se na huā paar
yā tiir mirī aah kā yā us kī nazar kā

juuñ tiir dil se aah jo nikle to kyā kahūñ
bas jaan ko bhī apne vo hamrāh le ga.ī

khā ke tīr-e-nigah-e-nāz us ko
qadr-andāz kiyā chāhiye ab