Tags-Teer

teġh-e-nigah na tīr-e-mizha ne kiyā halāk
haañ mar ga.e haiñ aap hī apnī qazā se ham

ishq laayā hai faqat ek hī siine kī sipar
husn bāñdhe hue sau tarkash-o-tīr aayā hai

maiñ bhī 'tasavvur' un meñ thā
jin ke tiir ḳhatā ke the

alfāz haiñ ye saare usī kī zabān ke
pahchāntā huuñ tiir maiñ us kī kamān ke

udhar mizha ne lagā.ī barchhī idhar nigāhoñ ne tiir maare
shikast dī fauj-e-sabr-e-dil ko ye kis ne āñkheñ laḌā laḌā kar

tiir aayā thā jidhar ye mire shahr ke log
kitne saadā haiñ ki marham bhī vahīñ dekhte haiñ

mirā jism kyā mirī ruuh kyā nahīñ koī zaḳhmoñ kī intihā
ai 'amīr' tīr-e-nigāh-e-husn kahāñ kahāñ se guzar gayā

be-sabab jama.a to kartā nahīñ tiir o tarkash
kuchh hadaf hogā zamāne kī sitamgārī kā

kamāñ meñ tiir chaḌhā ho to be-amāñ taa.ir
salāmtī ko koī kunj-e-āfiyat chāhe

tū jazb-e-mohabbat meñ kar le vo asar paidā
jis samt nazar uTThe ik tiir sā chal jaa.e

chhoḌ de ab tīr-o-tarkash chhoḌ de
guftugū se mas.ale kā hal nikāl

ḳhirad se hogī dil kī pāsbānī
ki tīr-e-dil nishāna DhūñDhtā hai

aaj vo tiir liye baiThe haiñ
ham bhī hargiz na sipar kholeñge

farishte bhī ghāyal haiñ tīr-e-adā ke
nishāna hue be-nishāñ kaise kaise

ye kis ne chhed ke rakh dī mirī anā kī sipar
ye kaun tiir kī mānind chal gayā mujh meñ

hayāt-baḳhsh tarāne asiir haiñ kab se
gulū-e-zehra meñ paivast tiir haiñ kab se hai

kyā batā.ūñ mujhe kyā lagtā hai
har-nafas tīr-e-jafā lagtā hai

rakh leñ ham aap laao dil-e-be-qarār meñ
aisā na ho ki tiir tumhāre ḳhatā kareñ

sab apne dil meñ ik tīr-e-nazar mahsūs karte haiñ
magar koī batā saktā nahīñ us ne kidhar dekhā

in dinoñ aap kā aalam bhī ajab aalam hai
tiir khāyā huā jaise koī aahū aa.e