Tags-Travel

tujh se bichhaḌ ke samt-e-safar bhūlne lage
phir yuuñ huā ham apnā hī ghar bhūlne lage

rāhoñ meñ ek saath ye kyuuñ jal uThe charāġh
shāyad tirā ḳhayāl mirā ham-safar huā

bātin meñ saḳht kāfir-o-pur-pech o tah-ba-tah
zāhir meñ ek ham-safar-e-sahal-o-sāda huuñ

bahut pukārā thā manziloñ ne 'hinā' mujhe un hī rāstoñ se
magar musalsal safar thā merā kahīñ na rukne meñ hī baqā thī

kuchh hai ki jo ghar de nahīñ paatā hai kisī ko
varna koī aise to safar meñ nahīñ rahtā

intihā ye ki merī hadd-e-safar
manzil-e-gumrahāñ se miltī hai

yuuñ nākāmiyāñ ham-safar haiñ musalsal
ki le de ke ummīd hai ab ajal se

zalzale kā thā safar jis meñ kī mastī ham ne
ḳhushk chaTTānoñ pe dauḌā dī hai kashtī ham ne

tai huā hai us taraf kī rahguzar kā jāgnā
mere paañv meñ kisī lambe safar kā jāgnā

yā-ḳhudā rāh-e-vafā par rahbarī karnā merī
jab mujhe gumrāh merā ham-safar karne lage

ḳhalvat-e-jāñ meñ hai ik halchal sī
us taraf qasd-e-safar kis kā hai

hameñ to ādat-e-zaḳhm-e-safar hai kyā kahiye
yahāñ pe rāh-e-vafā muḳhtasar hai kyā kahiye

shab-e-ġham añdherī hai kis qadar karūñ kaise sub.h kā maiñ safar
mire chāñd aa mirī le ḳhabar mujhe raushnī kā hisār de

āġhāz bhī usī kī ziyārat ke saath ho
ho bhī safar tamām to maañ kī duā ke saath

dasht-e-vīrāñ kā safar hai aur nazar ke sāmne
mo.ajaze dar mo.ajaze dar mo.ajaze hote hue

safar meñ achānak sabhī ruk ga.e
ajab moḌ apnī kahānī meñ thā

maza manzil ko pā kar bhī na aayā
safar meñ ret ke Tiile nahīñ the

manzil safar-e-ishq kī zinhār na TuuTe
jab tak kamar-e-qāfila-e-sālār na TuuTe

ye safar vo hai ki itnā bhī ġhanīmat hai agar
apne ham-rāh yahī ḳhaak ravāñ rah jaa.e

mauj-e-hairat safar meñ rakhtī hai
DhūñDhtā huuñ qayām vahshat kā