Tags-Travel

ye iztirāb ye lambā safar ye tanhā.ī
ye raat aur ye jañgal duā kiye jaa.eñ

mirī nazar meñ surāġh-e-manzil shu.ūr ban kar chamak rahā hai
mirī jabīñ par kaḌe safar kī masāfateñ bhī likhī huī haiñ

ik harf-e-shauq lab pe hai aur iltijā ke saath
maiñ ik na.e safar pe huuñ apnī anā ke saath

zamīñ ke saare manāzir se kaT ke sotā huuñ
maiñ āsmāñ ke safar se palaT ke sotā huuñ

ġham-e-jahāñ kī tapish se sulag rahe haiñ badan
hayāt bhī hai kisī dasht ke safar kī tarah

ye kyā ki baiTh ga.e gard-e-rahguzar kī tarah
safar tamām karo dosto safar kī tarah

mirī mezbāñ ne
havā.ī safar meñ

raḳht-e-safar ko khol kar ab huuñ qayām ke qarīb
dhuup ke dasht se pare qariya-e-shām ke qarīb

shahr-ba-shahr kar safar zād-e-safar liye baġhair
koī asar kiye baġhair koī asar liye baġhair

kahtā hai ki baaqī bhī rahe yaad safar kī
sauġhāt koī saath bhī laane nahīñ detā

laḌkhaḌānā bhī hai takmīl-e-safar kī tamhīd
ham ko manzil kā nishāñ laġhzish-e-paiham se milā

jaise ham donoñ ke milne pe safar ḳhatm huā
manzileñ bantī haiñ rastoñ ko milā dene se

kyā pūchhte ho azm-e-safar kī karāmateñ
manzil kā naqsh ḳhud mirī rāhoñ meñ aa gayā

kis ko fursat thī ki suntā us safar kā mājrā
jab usī manzil-nashīñ ke hoñT ne jumbish na kī

us kī rag meñ bahe lahū merā
ishq anjām-e-ham-safar kar de

maiñ bhī tire hisse kā safar kartā rahā huuñ
ab aur tujhe kaun sī sauġhāt batā duuñ

koī letā hai tirā naam to ruk jaatā huuñ
ab tirā zikr bhī sadiyoñ kā safar lagtā hai

hādse raah meñ the aur safar zālim thā
chand ma.asūm laboñ se maiñ duā le ke chalī

safar karte hue apnā haTā kar aañkh se paTTī
maiñ sañg-e-mīl jo paḌhtā thakan se chuur ho jaatā

rahegā yaad madīne se vāpsī kā safar
maiñ nazm likhne lagā thā ki na.at ho ga.ī hai